«Ինչի՞ գնդապետ, պարոն Ջանջուղազյան միանգամից գեներալ ասեիք ». Նիկոլ Փաշինյան

Այսօր կառավարության նիստում որոշում ընդունվեց   հունիսի 1-ին բնապահպանության նախարարությանը ենթակա անտառային կոմիտեի պահպանման ծախսերի ապահովման նպատակով ՀՀ պետական բյուջեի պահուստաային ֆոնդից հատկացված  106 մլն 163 հազար դրամ, կոմիտեին պատկանող Երևան քաղաքի Արմենակյան փողոցի N 129 վարչական շենքի վերանորոգման համար 3 մլն 300 հազար դրամը, այլ ծրագրերով՝ 36 մլն դրամը, սակայն 37,22 մլն դրամ տնտեսման   գումարը թողնել «Հայանտառ» ՊՈԱԿ-ին: Գումարը ծախսվելու է համազգեստի գնման համար,նշեց Բնապահպանության նախարարի պաշտոնակատար Էրիկ Գրիգորյանը : ՀՀ ֆինանսների նախարարի պաշտոնակատար Ատոմ Ջանջուղազյանը տարակուսեց, թե արդյոք անտառային ծառայությունն իրավապահ մարմնի հավակնություններ ունեցող մարմնի է վերածվում: Եթե համազգեստ է գնվում, հետագայում դրա թարմացման անհրաժեշտություն կլինի և «վաշտերի ու գնդերի» կվերածվի, հետո անտառային ծառայության գնդապետ կլինի,ասաց Ատոմ Ջանջուղազյանը: «Ինչի՞ գնդապետ, միանգամից գեներալ ասեիք, պարոն Ջանջուղազյան»,- կատակեց ՀՀ վարչապետի պաշտոնակատար Նիկոլ Փաշինյանը: Է.Գրիգորյանը հստակեցրեց, որ խոսքն աշխատանքային հագուստի մասին է. «Պարոն Ջանջուղազյանը կանգնեց գնդապետի ուսադիրների վրա, բայց եթե չեմ սխալվում, նույնիսկ գեներալ-լեյտենանտի ուսադիրներ է նախատեսվում այդ նախագծով, բայց սա մեկը մյուսի հետ կապ չունի»: «Հա՞, անտառայաին ծառայությունը գեներալ-լեյտենանտի՞… լո՞ւրջ եք ասում, տենց բան կա՞»,- զարմացավ Ն.Փաշինյանը: Է.Գրիգորյանը պնդեց, որ նախագիծը վերաբերում է անտառի պահպանության նպատակով աշխատանքային գործիքի ֆունկցիա իրականացնող գործիքի գնում է: