Գրիգորի Կարասին. Ռուսաստանը հույս ունի, որ Հայաստանի իշխանությունները կկարողանան դիմադրել ամերիկյան շանտաժին և ճնշմանը
«Մոսկվան հույս է հայտնել, որ Հայաստանի նոր իշխանությունները իրենց մեջ ուժ կգտնեն դիմադրելու ԱՄՆ-ի շանտաժին և ճնշմանը, կկարողանան ինքնուրույն որոշումներ կայացնել: Հայաստանում տեղի ունեցած արմատական փոփոխությունների ֆոնի վրա, Վաշինգտոնի միջամտությունը երկրի ներքին և արտաքին գործերի մեջ շատ աննրբանկատ է դառնում»,- ՌԻԱ Նովոստի գործակալությանը տված հարցազրույցում հայտնել է ՌԴ ԱԳՆ փոխարտգործնախարար Գրիգորի Կարասինը: Ըստ դիվանագետի, Բոլթոնը շատ վիրավորական է անվանել հայ ժողովրդի «պատմական փորձը» «պատմական կլիշե», ինչպես նաև «հրահանգել գնել Հայաստանին ամերիկյան զենք և որքան հնարավոր է շուտ միանալ հակաիրանական պատժամիջոցներին»: «Եթե սա հայ-ամերիկյան հարաբերությունների արտաքին դրսևորումն է, ապա կարելի է պատկերացնել «ինչ է կատարվում» կուլիսների հետևում»,-նշել է Կարասինը: «Հույս ունենք, որ Հայաստանի խորհրդարական ընտրությունների անհրաժեշտ ձայներ ստացած ներկա իշխանությունները կկարողան դիմադրել արտաքին շանտաժին և ճնշմանը, կկարողանան իրենց իրավունքը պաշտպանել ինքնուրույն որոշումներ կայացնելու գործում՝ ելնելով ազգային շահերից»,-ընդգծել է ՌԴ ԱԳՆ փոխնախարարը: Երևան հոկտեմբերին այցելել է ԱՄՆ ազգային անվտանգության հարցերով ԱՄՆ նախագահի խորհրդական Ջոն Բոլթոնը: Իր ելույթում, մեկնաբանելով ԼՂՀ հակամարտությունը, նա նշել է, որ «ամերիկյան զենքը ամեն դեպքում ավելի լավն է քան ռուսականը»: Բոլթոնը խորհուրդ է տվել Երևանին «ազատվել պատմական կլիշեներից» միջազգային հարաբերությունների գործում:
Հետևեք մեզ Viber-ում
