Ի՞նչ է հայտարարագրել նախագահ Արմեն Սարգսյանի օգնականը

«Փաստ» թերթը գրում է. «Հայաստանի Հանրապետության նախագահ Արմեն Սարգսյանի օգնական Լիլիթ Երեմյանը Բարձրաստիճան պաշտոնատար անձանց էթիկայի հանձնաժողովին է ներկայացրել 2018թ. պաշտոնը ստանձնելու հայտարարագիրը: Հանձնաժողովի պաշտոնական կայքում հրապարակված փաստաթղթից տեղեկանում ենք, որ պաշտոնը ստանձնելու օրվա դրությամբ հայտարարատու պաշտոնատար անձի հանձնած փոխառությունները կազմել են 4000 ԱՄՆ դոլար: Պաշտոնը ստանձնելու օրվա դրությամբ Լիլիթ Երեմյանի դրամական միջոցները կազմել են 2 770 471 ՀՀ դրամ և 8000 ԱՄՆ դոլար: 2018թ. հունվարի 1–ից մինչև պաշտոնական պարտականությունները ստանձնելու օրը ստացված եկամուտների հանրագումարը կազմել  է 2 706 890 ՀՀ դրամ: Նշված եկամուտը գոյացել է երկու աշխատավարձերից՝ համապատասխանաբար կազմելով 1 984 573 ՀՀ դրամ և 722 317 ՀՀ դրամ: Անշարժ և շարժական գույքի վերաբերյալ տվյալներ չկան: Լիլիթ Երեմյանն Արմեն Սարգսյանի օգնականի պաշտոնում է նշանակվել 2018թ. սեպտեմբերի 17–ին»: Առավել մանրամասն՝ թերթի այսօրվա համարում