Բրիտանական հեղինակավոր The Economist պարբերականը Հայաստանը ճանաչել է «Տարվա երկիր»: Պարբերականի կայքում ասվում է, որ «Տարվա երկիր» ամենամյա մրցույթի մասնակցության չափանիշներն են ոչ թե երկրի ֆինանսական վիճակը կամ երկրի ազդեցիկ լինելը, և ոչ էլ նրա խոհանոցը, այլ այն, թե ինչ առաջընթաց է գրանցել այդ երկիրը 12 ամիսների ընթացքում:
«Նախորդ տարվա հաղթող երկրում՝ Ֆրանսիայում, այսօր անկարգություններ են բռնկվել: 2015-ի հաղթող Մյանման արյունալի հետընթաց է ապրում»,- գրում է The Economist-ը:
Այսպիսով, պարբերականը ներկայացնում է 3 երկիր:
Մալայզիայում ընտրողները մերժեցին վարչապետին, ով չկարողացավ ադեկվատ բացատրել իր հաշվին 700 միլիոն դոլարի հանկարծակի հայտնվելը: Ընտրություններին հաղթանակ տարավ ընդդիմությունը: Պարբերականի խոսքով՝ Մալայզիան կարող էր դառնալ «Տարվա երկիր», սակայն ժյուրիին դուր չեկավ այն, որ նոր վարչապետ Մահաթհիր Մոհամեդը չի ցանկանում միջոցներ ձեռնարկել երկրում ռասայական տարաձայնությունները վերացնելու համար:
Եթովպիայում, ըստ պարբերականի, անսովոր տարի էր: Իշխող կուսակցությունն ընտրեց ռեֆորմիստ առաջնորդ Աբիյ Ահմեդին, ով ազատ արձակեց քաղբանտարկյալներին, ազատություն տվեց ԶԼՄ-ներին և խոստացավ իրական ընտրություններ անցկացնել 2020-ին: Աբիյ Ահմեդը կարող էր դառնալ «Տարվա մարդ», սակայն, պարբերականի խոսքով, պարզ չէ, թե նոր վարչապետը կկարողանա՞ սանձել էթնիկ բռնությունը:
«Իսկ Հայաստանում նախագահ Սերժ Սարգսյանը փորձեց պահպանել իշխանությունը՝ դառնալով վարչապետ: Ժողովուրդն ի նշան բողոքի դուրս եկավ փողոց: Խարիզմատիկ և մորուքավոր նախկին լրագրող և պատգամավոր Նիկոլ Փաշինյանն իշխանության եկավ բողոքի ալիքի ֆոնին: Նրա կուսակցությունն ընտրություններին հավաքեց ձայների 70%-ը»,- գրում է պարբերականը:
Պարբերականը նկատում է նաև, որ Հայաստանի և Ադրբեջանի միջև «տհաճ տարածքային վեճը դեռևս լուծված չէ»: «Այնուամենայնիվ, անհանգիստ տարածաշրջանում գտնվող երկիրը ժողովրդավարության և նորացման հնարավորություն ունի: Այդ իսկ պատճառով Հայաստանը ճանաչվում է մեր «Տարվա երկիրը»»,- եզրափակում է պարբերականը՝ վերջում անգլերեն տառադարձությամբ շնորհավորելով Հայաստանին՝ «Shnorhavorum yem»:
Ֆեյսբուքյան իր էջում այս մասին տեղեկացրել է նաև ՀՀ վարչապետի պաշտոնակատար Նիկոլ Փաշինյանը:
Օգոստոսի 27-ին՝ ժամը 15։00-ին, Հայելի ակումբի հյուրն է Նաիրի Հոխիկյանը
Օգոստոսի 27-ին՝ ժամը 13։00-ին, Հայելի ակումբի հյուրն է Արմինե Ադիբեկյանը
Օգոստոսի 27-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Օգոստոսի 26-ին՝ ժամը 14։00-ին, Հայելի ակումբի հյուրն է Ազգային ճակատից Նաիրա Գևորգյանը
Օգոստոսի 26-ին՝ ժամը 11։30-ին, Հայելի ակումբի հյուրն է Արամ Գ․ Սարգսյանը
Օգոստոսի 26-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Օգոստոսի 25-ին՝ ժամը 14։00-ին, Հայելի ակումբի հյուրն է Երվանդ Բոզոյանը
Օգոստոսի 25-ին՝ ժամը 12։30-ին, Հայելի ակումբի հյուրն է Էդգար Էլբակյանը
Օգոստոսի 25-ին՝ ժամը 11։00-ին, Հայելի ակումբի հյուրն է Հայկ Նահապետյանը
Օգոստոսի 21-ին՝ ժամը 12։00-ին, Հայելի ակումբի հյուրն է Ռուզաննա Ստեփանյանը
Հետևեք մեզ Viber-ում
