Ամենաթեժն Արարատի մարզում է` Արտաշատ քաղաքում. Դանիել Իոաննիսյան

Այս րոպեներին, ամենաթեժ իրավիճակը Արարատի մարզում է` Արտաշատ քաղաքում` 12/2, 12/4, 12/10 ընտրատեղամասերում, որտեղ համատարած ոտնահարվում է քվեարկության գաղտնիությունը, համատարած կուտակումներ են:Այս մասին ասաց «Իրազեկ քաղաքացիների միավորում» խորհրդատվական հասարակական կազմակերպության ծրագրերի համակարգող Դանիել Իոաննիսյանը: «Ընտրատեղամասերից դուրս, եղել են, ահազանգեր ենք ստացել ընտրակաշառքների մասին, այդ ահազանգերը միանգամից փոխանցվել են Ոստիկանությանը և Ոստիկանությունը փորձել է միջոցներ ձեռնարկել բացահայտելու, որոշ դեպքերում չի ստացվում բացահայտել, կանխարգելիչ գործողություններ են իրականացվում, դա՝ Երևանում»,- ասաց Իոաննիսյանը: