Այսօր Գյումրիում տեղի ունեցած կառավարության արտագնա նիստի ժամանակ քննարկվել է աղետի գոտում 2018 թվականի ընթացքում կատարված և 2019-ին կատարվելիք աշխատանքների հարցը, որը ներկայացրել է Տարածքային կառավարման և զարգացման նախարարի պաշտոնակատար Սուրեն Պապիկյանը:
Ըստ նրա՝ ընթացիկ տարում մարզերում առաջնահերթ լուծում պահանջող հիմնախնդիրների շրջանակում ՀՀ Շիրակի և Լոռու մարզերին հատկացվել է 774 մլն 425 հազար դրամ, որից Շիրակի մարզին՝ 354 մլն 915 հազար, Լոռու մարզին՝ 419 մլն 510 հազար դրամ։
Պապիկյանի խոսքով՝ գումարը հատկացվել է շուրջ 45 բնակավարերում 54 ծրագրերի իրականցման համար: Նույն ծրագրի շրջանակներում Շիրակի և Լոռու մարզերի համայնքներին հատկացվել է համապատասխանաբար՝ 31 մլն 773 հազար և 11 մլն 200հազար դրամ։
Միջհամայնքային ճանապարհների վերանորոգման աշխատանքների վերաբերյալ Պապիկյանը նշեց, որ Տարածքային կառավարման և զարգացման նախարարությունը Տրանսպորտի և կապի նախարարությանը հատկացրել է 222 մլն 654 հազար դրամ, և աշխատանքները ընթացքի մեջ են ու կավարտվեն 2019-ին: Այս տարվա ընթացքում զարգացման մի շարք ծրագրեր են իրականացվել մի շարք հիմնադրամների, այդ թվում USAID-ի, Զարգացման բանկի և այլ կառույցների կողմից:
Պապիկյանն իր խոսքում նշեց, որ Ամասիա համայնքում նախատեսվում է հիմնել բրդյա իրերի և կտորների արտադրություն, և Ամասիայի համայնքապետարանին արդեն տրամադրվել է 549 հազար 819 եվրո:
«Այս ծրագրի իրականացման արդյունքում կունենանք արտադրամաս, որտեղ տարվա ընթացքում հնարավոր կլինի մշակել 4 տոննա ոչխարի բուրդ և 1.5 տոննա գառան բուրդ: Կստանան մոտ 500 կգ բարձրակարգ կտոր: Նշեմ, որ այդ կտորը, այդ թելերը ներկայումս ներմուծվում են Թուրքիայից»,-ասել է Սուրեն Պապիկյանը:
Իսկ տարածաշրջանային ՓՄՁ-ների մրցունակության խթանման համար Հայաստանի փոքր ու միջին ձեռնարկատիրության ազգային կենտրոնին տրամադրել են 1 մլն 604 հազար 808 եվրո, որը հիմնականում բաժին է ընկել Լոռու մարզին և նախատեսված է ճամփեզրի կայանների կառուցման համար:
Անդրադառնալով Գյումրու Կումայրի պատմական կենտրոնի վերականգնման աշխատանքներին՝ Պապիկյանը շեշտեց, որ աշխատանքներն ավարտին կհասցվեն 2019-ի փետրվարի 19-ին:
Նախարարը նաև խոսել է տարբեր բնակավայրերում դպրոցների ու մանկապարտեզների վերակառուցման աշխատանքների մասին ու շեշտել է, որ դրանք արդեն ավարտին են հասցված, և բացումները շուտով կլինեն:
Օգոստոսի 27-ին՝ ժամը 15։00-ին, Հայելի ակումբի հյուրն է Նաիրի Հոխիկյանը
Օգոստոսի 27-ին՝ ժամը 13։00-ին, Հայելի ակումբի հյուրն է Արմինե Ադիբեկյանը
Օգոստոսի 27-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Օգոստոսի 26-ին՝ ժամը 14։00-ին, Հայելի ակումբի հյուրն է Ազգային ճակատից Նաիրա Գևորգյանը
Օգոստոսի 26-ին՝ ժամը 11։30-ին, Հայելի ակումբի հյուրն է Արամ Գ․ Սարգսյանը
Օգոստոսի 26-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Օգոստոսի 25-ին՝ ժամը 14։00-ին, Հայելի ակումբի հյուրն է Երվանդ Բոզոյանը
Օգոստոսի 25-ին՝ ժամը 12։30-ին, Հայելի ակումբի հյուրն է Էդգար Էլբակյանը
Օգոստոսի 25-ին՝ ժամը 11։00-ին, Հայելի ակումբի հյուրն է Հայկ Նահապետյանը
Օգոստոսի 21-ին՝ ժամը 12։00-ին, Հայելի ակումբի հյուրն է Ռուզաննա Ստեփանյանը
Հետևեք մեզ Viber-ում
