Ուշագրավ մանրամասներ Ռոբերտ Քոչարյանի դատավարությունից
vesti.am-ը գրում է, որ Կառավարությանը մոտ կանգնած իր աղբյուրները տեղեկացրել են, որ նախօրեին Վերաքննիչ դատարանում` Քոչարյանի գործով նիստի ժամանակ տեղի է ունեցել մի ուշագրավ դրվագ, որը մի քանի ժամ անց Նիկոլ Փաշինյանի մոտ «ռազբորկայի» առարկա է դարձել: «Բանն այն է, որ դատախազը «լյափսուս» է թույլ տվել ու ակամայից մատնել ստացած հանձնարարության բուն էությունը: Ներկայացնելով կալանքը որպես խափանման միջոց ընտրելու իրենց պահանջի պատճառները՝ նա հայտարարել է, թե Ռ. Քոչարյանին հարկավոր է կալանավորել, որպեսզի նա այլևս հրապարակային ելույթներով հանդես չգա, քանի որ այդպիսով խանգարում է հետաքննությանը: Փաստորեն, ըստ դատախազության պահվածքի ստացվում է, որ Քոչարյանին կալանավորելու իրական նպատակը նրան լռեցնելն ու հրապարակային դաշտից հեռացնելն է, այլ ոչ թե «Մարտի 1»-ի գործը քննելը»,- գրում է կայքը:
Հետևեք մեզ Viber-ում
