Կիեւում դատարանը կալանք է սահմանել Յանուկովիչի կենսաթոշակի նկատմամբ

Կիեւում դատարանը կալանք է սահմանել Ուկրաինայի նախկին նախագահ Վիկտոր Յանուկովիչի եւ նախկին վարչապետ Նիկոլայ Ազարովի՝ պետական Օշչադ բանկում ընթացիկ հաշիվների նկատմամբ: Յանուկովիչի կենսաթոշակի չափը 16.947 հազար գրիվնա է, իսկ Ազարովը 2008 թվականի փետրվարի 6-ից 17.253 հազար գրիվնայի չափով թոշակ է ստանումհաղորդում է «Ուկրաինսկիե նովոստին»: Պարբերականը հիշեցնում է, որ Յանուկովիչի եւ Ազարովի դեմ Ուկրաինայի գլխավոր դատախազությունը դատական հետաքննություն է անցկացնում, որի ընթացքում պարզվել է, որ 2010 թվականի հոկտեմբերից մինչեւ 2013-ի հուլիսն ընկած ժամանակահատվածում Յանուկովիչն ու Ազարովը Պետական հատուկ կապի ղեկավարի, ֆինանսների նախարարի, «Ուկրտելեկոմի» անդամի հետ համաձայնության գալով՝ պետբյուջեի միջոցների հաշվին կազմակերպել են հատուկ նշանակության հեռահաղորդակցության ցանցի շինարարություն, որի արդյունքում 22 մլն գրիվնայի չափով պետական միջոցներ են հափշտակվել: