Դավադիրները պետք է հայտնաբերվեն և պատասխանատվության ենթարկվեն

«Առավոտ» թերթը գրում է. «Երեկ ՀՀ վարչապետի ժամանակավոր պաշտոնակատար, «Իմ քայլը» դաշինքի առաջնորդ Նիկոլ Փաշինյանն անդրադարձավ այլ քաղաքական գործիչների քննադատություններին, որ Արցախի առնչությամբ իր վերջին աղմկոտ հայտարարությունն անհասցե է: Հիշեցնենք` Փաշինյանը «դավադիր պատերազմ հրահրողներ» էր անվանել այն քաղաքական ուժերին, որոնք հայտարարում են, թե իր իշխանությունը մտադիր է Ար­ցախի հարցում զիջումների գնալ՝ «Ղարաբաղը հանձնել»: «Այն մարդիկ, որոնք հայտարարում են, որ հեղա­փոխությունն Արցախը հանձնելուն ուղղված դավադրության ծրագիր է, նրանք պետական դավաճանության մեղադրանք են ներկայացնում: Այդ մարդիկ են անհասցե հայտարարություն անում, դա ազգային անվտան­գության խնդիր է, ուստի պետք է այդ մարդկանց հրավիրեն [նկատի ունի՝ ԱԱԾ) ու ասեն՝ տվեք Ձեր այդ տվ­յալները»,- նշեց Նիկոլ Փաշինյանը: Նրա խոսքով՝ եթե պարզվի, որ Արցախը հանձնելու մեղադրանքները սուտ են, հանրությունը պետք է ճանաչի դրանց հեղինակ ստախոսներին և սադրիչներին. «Դավադիրները պետք է հայտնաբերվեն և պատասխանատվության ենթարկվեն»»: Մանրամասն՝ թերթի այսօրվա համարում։