Այո, «Իմ քայլի» թեկնածուի համակրի ու իմ օգնականի միջև միջադեպ է եղել. օգնականս ազատվել է աշխատանքից. Գարիկ Սարգսյան
Չեմ հերքում, որ օրեր առաջ տեղի է ունեցել միջադեպ «Իմ քայլը» դաշինքից ռեյտինգային ընտրակարգով առաջադրված թեկնածուի՝ Տիգրան Պարսիլյանի համակրի եւ իմ օգնականի միջեւ, սակայն ուզում եմ շեշտել, որ անձամբ ես որեւէ կերպ չեմ առնչվել այդ միջադեպի հետ: Այս մասին Facebook-ի իր էջում գրել է Արարատի մարզպետ Գարիկ Սարգսյանը՝ անդրադառնալով տեղեկությանը, ըստ որի, «Իմ քայլը» դաշինքի 5-րդ միասնական ընտրական տարածքում ռեյտինգային ընտրակարգով ԱԺ պատգամավորի թեկնածուներ Գարիկ Սարգսյանի եւ Տիգրան Պարսիլյանի միջեւ վիճաբանություն է եղել: «Չեմ հերքում, որ օրեր առաջ տեղի է ունեցել միջադեպ «Իմ քայլը» դաշինքից ռեյտինգային ընտրակարգով առաջադրված թեկնածուի՝ Տիգրան Պարսիլյանի համակրի եւ իմ օգնականի միջեւ, սակայն ուզում եմ շեշտել, որ անձամբ ես որեւէ կերպ չեմ առնչվել այդ միջադեպի հետ: Միջադեպից հետո իմ օգնականը բացատրագիր է ներկայացրել ոստիկանությունում, դրանից բացի, իմ որոշմամբ ազատվել է աշխատանքից: Իմ քարոզարշավն այս օրերին ընթանում է բնականոն հունով եւ առողջ մթնոլորտում: Իմ թիմում շարունակում է տիրել սիրո եւ հանդուրժողականության մթնոլորտը: Սա ես որակում եմ որպես ԶԼՄ-ների կողմից քարոզարշավի ընթացքում «Իմ Քայլը» դաշինքի վրա ստվեր գցելու միտում: Խնդրում եմ զերծ մնալ ապատեղեկատվության տարածումից»,-հավելել է Գարիկ Սարգսյանը: Նշենք, որ ոստիկանությունում այդ միջադեպի առնչությամբ նյութեր են պատրաստվում:
Հետևեք մեզ Viber-ում
