Որոշ ուժեր ուղղակի թրոլինգով են զբաղված. «Մենք» դաշինքի պատգամավորի թեկնածու

Այսօր «Մենք » դաշինքի կողմից առաջադրված ռեյտինգային թեկնածու Կարեն Սարգսյանը Հայելի ակումբում ասաց, որ կարևորում է երկրում ներդրումներ կատարելու հանգամանքը։ Նա նշեց, որ ներդրումները չկարևորող ուժերն ուղղակի թրոլինգով են զբաղված. «Ցանկացած տնտեսություն ուժեղ է մարդկային կապիտալով»։ Այնուհետև Կարեն Սարգսյանը նշեց, որ ընտրություններին մասնակից ցանկացած ուժի  համարում են մրցակից․ «Մենք լավ դաշինք ենք ստեղծել, մենք լավ թիմ ենք, որտեղ ոչ ոք առաջնորդ չէ, բոլորս հավասար ենք գնում։ Մեզ պետք է ընտրել, քանի որ մենք ռեալ գաղափարախոսական հիմքերի վրա ենք դնում մեր բոլոր առաջարկները։ Մենք միակ ուժն ենք, որը Հայաստանի իրողության մեջ է բերում եվրոպական ստանդարտները՝ առողջապահություն, կրթություն և այլն»։