ԱԺ-ում ՀՀԿ-ի հայտնվելը կխոչընդոտի քաղաքական դաշտի առողջացմանը․ Ռուբեն Ռուբինյան/տեսանյութ/

«ՀՀԿ-ն, այնուամենայնիվ, սովորական քաղաքական ուժ չէ, այն 20 տարի եղել է իշխող ուժ, և մենք բոլորս տեսել ենք դրա բոլոր արդյունքներն ու հետևանքները։  ՀՀԿ-ն նաև մի կուսակցություն է, որի անդամները տիրապետում են ահռելի ֆինանսական ու լրատվական ռեսուրսների։ Նրանց անդամները նաև ճանաչելի են։ Բոլորը տեսնում են, որ այս քարոզարշավի ընթացքում նրանք չեն խորշում օգտագործել ցանկացած ապատեղեկատվություն, ցանկացած կեղծիք, ցանկացած հնարք, որոնց, ցավոք, մենք հաճախ ստիպված ենք լինում պատասխանել։ ՀՀԿ-ի անդամները դեռևս քարոզարշավից առաջ էլ պարբերաբար շահարկում էին օդից հնարած թեմաներ։ Նրանք հանձնում են Արցախը, տապալում են արտաքին քաղաքականությունը և այլն։ Հաճախ ապատեղեկատվություն տարածելու, սին մեղադրանքներ ներկայացնելու նրանց տրամաբանոթյունը, հաշվի առնելով նրանց լրատվական ռեսուրսները, բերում է արձագանքելու անհրաժեշտության։ Երբ մի կեղծ լուր պտտում ես տարբեր հարթակներով, շատերը սկսում են հավատալ»,- «Շանթ» ՀԸ-ի «Հեռանկար» հաղորդման տաղավարում ասել է «Իմ քայլը» դաշինքից Ռուբեն Ռուբինյանը։ «Եթե ՀՀԿ-ն մի քանի մանդատով «սողոսկի» Ազգային ժողով, ապա դա կխոչընդոտի քաղաքական դաշտի առողջացմանը։

Մենք կարող է 5 տարի ականատես լինենք օդից թեմաների շահարկմանը»,- ասել է նա։