Քոչարյանի կալանքի հարցը.որն է գլխավոր դատախազի շահը

Վերաքննիչ քրեական դատարանում՝ նախագահությամբ դատավոր Ռուբեն Մխիթարյանի, այսօր կշարունակվի ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումն անձեռնմխելիության հիմքով վերացնելու վերաբերյալ բողոքի քննությունը, որը ներկայացրել է ՀՀ գլխավոր դատախազ Արթուր Դավթյանը։ Հիշեցնենք, որ օգոստոսի 13-ին Վերաքննիչ դատարանը վերացրել էր Ռոբերտ Քոչարյանին կալանավորելու առաջին ատյանի դատարանի որոշումը՝ հաշվի առնելով այն, որ Քոչարյանն անձեռնմխելի է: Սակայն Մարտի 1-ի գործով սահմանադրական կարգը տապալելու մեջ մեղադրվող Ռոբերտ Քոչարյանի խափանման միջոցը կալանավորումն ընտրելու դիմումով մեկ շաբաթ անց Վճռաբեկ դատարան էր դիմել գլխավոր դատախազը: Ավելի քան 10 օր առաջ Վճռաբեկ դատարանը մասնակի բավարարել էր գլխավոր դատախազության բողոքը՝ Քոչարյանի նկատմամբ կալանավորման վերաբերյալ որոշումը կրկին հասցեագրելով վերաքննիչ ատյանին:Դատախազությունը Վճռաբեկ դատարանից պահանջել էր բեկանել Վերաքննիչի որոշումն ու ուժի մեջ թողնել առաջին ատյանի որոշումը, որը ինչպես ասացին նախկին նախագահին կալանավորելու որոշում էր ընդունել: Գլխավոր դատախազ Արթուր Դավթյանի կողմից ուղարկված բողոքում նշվել է, որ Քոչարյանի նկատմամբ պետք է կալանավորումը ընտրվի որպես խափանման միջոց ոչ միայն այն հիմքով, որ նա անձեռնմխելի չէ, այլ նաեւ առկա են կալանքի այլ հիմքեր:ԶԼՄ-ների տեղեկատվությամբ՝ ըստ դատախազի՝ ազատության մեջ մնալու դեպքում Քոչարյանը կարող է թաքնվել եւ խոչընդոտել գործի քննությանը: Ինչպես ասում են՝ եփած հավի ծիծաղն էլ է գալիս: Մի քանի ամիս է Ռոբերտ Քոչարյանը ոչ միայն չի թաքնվում, այլեւ իր հարցազրույցներով արդեն դարձել է շարքային քաղաքական գործիչ, որին կարելի է հանդիպել ցանկացած լրատվամիջոցի էջերում: Հետեւաբար եթե նա փախչող, կամ թաքնվող լիներ, մինչ օրս կհասցներ անել: Արթուր Դավթյանն անձամբ մասնակցել է Վերաքննիչում ընթացող դատական նիստերին՝ ցույց տալով Քոչարյանին կալանավորելու հարցում անձնական շահագրգռվածություն: -Մենք գտնում ենք, որ Քոչարյանը պետք է մնա կալանքի տակ,-երեկ լրագրողներին ասել է գլխավոր դատախազը։ Սակայ երկու օր է դատարանում քննությունը չի ավարտվում, որից պարզ կդառնա Քոչարյանին կալանավորում են, թե թողնում ազատությամ մեջ: Բանն այն է, որ մի ամբողջ օր քննվեց երկրորդ նախագահի պաշտպանների միջնորդությունը գործը քննող դատավորին ինքնաբացարկ հայտնելու հարցով, քանի որ պաշտպանները մամուլից են տեղեկացել, որ դատավորն ընտրվել է վիճակահանությամբ, ինչը անօրինական է եւ կասկածներ հարուցող: Դատարանն ի վերջո մերժել է միջնորդությունը: Ռոբերտ Քոչարյանի պաշտպանները պատրաստվում են միջնորդել, որ Վերաքննիչ դատարանը կասեցնի բողոքների վարույթը և դիմի ՀՀ սահմանադրական դատարան ՀՀ քրեական օրենսգրքի 300–րդ հոդվածի սահմանադրականության հարցը որոշելու համար։Այս մասին տեղեկացրել է Քոչարյանի պաշտպան Հայկ Ալումյանը, ինը միանգամայն տրամաբանական քայլ էր: Ակնհայտ է, որ ընտրություններին ընդառաջ գործող իշխանությունը նպատակադրվել է քաղաքական դիվիդենտներ շահել Քոչարյանին կալանավորելու միջոցով եւ դատավարության ողջ ընթացքից, որոշումներից արդեն իսկ ի չիք են դառնում Նիկոլ Փաշինյանի հավաստիացումները, թե չի միջամտում դատավորներին: Իսկ Սահմանադրական դատարանը ըստ տեղեկություննեի հայցը կհասցեագրի Վենետիկի հանձնաժողովին, որը ըստ Քոչարյանի մերձավոր շրջանակի կկայացնի միանգամայն օբյեկտիվ որոշում: Սակայն այս ողջ գործընթացում ամենահուզիչ պահը, անշուշտ, գլխավոր դատախազի գործուն մասնակցությունն է, ինչը կարելի է աննախադեպ որակել: Բանն այն է, որ Արթուր Դավթյանն Նիկոլ Փաշինյանին իր հավատարմությունն ապացուցելու լրջագույն պատճառներ ունի, ընտրություններից հետո որպեսզի կանխի նոր դատախազի նշանակումը, մյուս կողմից՝ Փաշինյանին Դավթյանը ձեռնտու է այն առումով, որ կարող է մի շարք աղմկահարույց գործեր <<պռավալ>> տալ, իսկ վերջում հայտարարել, թե դատախազը նախորդ ռեժիմից մնացած ժառանգություն էր ու ավելին սպասել հնարավոր չէր: Անի Սահակյան