Փաստաբանը պատմեց` ով ինչ է անում դռնփակ նիստում

Վերաքննիչ դատարանի դռնփակ նիստում ՀՀ երկրորդ նախագահ Ռոբերտ Քոչարյանը չի խոսել, բայց ասելիք ունի։ Այսօր դատական նիստի ընդմիջմանը լրագրողների հետ զրույցում ասաց Քոչարյանի փաստաբան Հայկ Ալումյանը։ «Քոչարյանի շահերը ներկայացնող փաստաբանները ներկայացնում են իրենց բողոքները, դատախազական կողմն առայժմ լսում է և իր առարկությունները կներկայացնի ավելի ուշ։ Դատախազական կողմն առայժմ ոչինչ չի ներկայացնում, որովհետև ուղղակի ուշադրությամբ լսում են, թե ինչպես է պաշտպանական կողմն իր բողոքը ներկայացնում»,– ասաց փաստաբանը։ Ալումյանն ասաց նաև, որ այս պահին ԱԱԾ և ՀՔԾ պաշտոնյաներին դատարան կանչելու անհրաժեշտություն չի տեսնում։