«Ազգային առաջընթացի» Լուսինեն խորը թյուրիմացությունների մեջ է

Արման Եսայանը ֆեյսբուքյան իր էջում գրում է. Ազգային ժողովի արտահերթ ընտրություններին ընդառաջ՝ ի հայտ եկան մի քանի, այսպես ասած,երիտասարդական կուսակցություններ, որոնք ևս իրենց նորահայտ թիմերով որոշեցին մաս կազմել ընտրապայքարին։ Անշուշտ երիտասարդ քաղաքական գործիչների մուտքը քաղաքականություն միշտ էլ ողջունելի , բայց երբ ամեն մեկը որոշում է ոչ իր գործով զբաղվել, ստացվում է այն, ինչ ստացվեց, օրինակ, «Ազգային առաջընթաց» կուսակցության համամասնական ցուցակը գլխավորող թեկնածուի՝ Լուսինե Հարոյանի պարագայում։ Նա քաղաքականություն է «ներգաղթել» տուրիզմի ոլորտից և, ինչպես երևում է, այդքան էլ լավ չի պատկերացնում, թե որտեղ է հայտնվել։ Հասկանալի է, որ Լուսինեն, որպես այս ոլորտում նոր դեմք է, ունի ինքնահաստատվելու խնդիր, և ինչպես պրակտիկան է ցույց տալիս, ամպագոռգոռ հայտարարություններով նա կարող է իր անձի վրա ուշադրություն բևեռել։ Քավ լիցի, դա նրա անձնական խնդիրն է, սակայն երբ նա այս ամենն անում է արդեն դատարկամիտ ու իրականության հետ փոքր-ինչ աղերս անգամ չունեցող տրամաբանությամբ, արդեն անընդունելի է և հակադարձման անհրաժեշտություն է առաջանում։ Մասնավորապես ԸՕ բարեփոխումների նախագծի չընդունման մեջ մեղադրելով վարչապետ Փաշինյանին՝ վերջինս անցում է կատարում նաև Գագիկ Ծառուկյանին, ում համարում է «օլիգարխ» և որի կուսակցությունը ԱԺ-ում օրինագծերն ընդունելիս առաջնորդվում է կուսակցական և կլանային շահերով: Լուսիեն անշուտ գտնվում է խորը թյուրիմացության մեջ, քանի որ այս ողջ տարիների ընթացքում, ինչ ԲՀԿ-ն գործել է ԱԺ-ում, ոչ մի օրինագիծ չի եղել, որ առաջ քաշվի ասվածի տրամաբանությամբ և հատուկ մշակված լինի կլանային շահերին տուրք տալու համար։ Հակառակը՝ բավական է միայն հիշատակել ԲՀԿ-ական ԱԺ փոխխոսնակ Միքայել Մելքումյանի հայտնի օրինագծերը, որոնք մանրակրկտորեն մշակված են՝ ցանկացած ոլորտում մենաշնորհային երևույթները կասեցնելու ու արմատախիլ անելու համար։ Աղմկահարույց երևալու համար Լուսինեի հաջորդ սայթաքումնը այն է, որ փորձում է Գագիկ Ծառուկյանի կողմից տրվող կրթաթոշակները ներկայացնել որպես հատուկ ընտրություններից առաջ արված ժեշտ՝ հետին նպատակներով։ Ի գիտություն Լւսինեի՝ պետք է նշել, որ այս կրթաթոշակները Գագիկ Ծառուկյանը ամեն տարի՝ այս էլ գրեթե երկու տասնամյակ շնորհում է ուսման մեջ առաջադեմ ու սոցիալապես կարիքավոր ուսանողներին՝ լինի նա քաղաքականության մեջ, թե դրանից դուրս։ Եթե Լուսինեն այս ինֆորմացիայնին չի տիրապետում, ապա ավելի լավ է լռի ու նման բարձրագոչ հայտարարություններ չանի քաղաքական բովում տարիներով թրծված մարդկանց հասցեին, այլապես իր իսկ արտահայտած մտքերը նրան կդարձնեն քաղաքական դաշտի «շիկահեր-գործիչ»։