«Ինձ ձայն չտաք էլ, ես ձեզնից շատ շնորհակալ եմ». Գագիկ Ծառուկյան

ԲՀԿ նախագահ, ցուցակի առաջին համար Գագիկ Ծառուկյանն այսօր աբովյանցիների հետ հանդիպման ժամանակ հայտարարեց, որ այսօր տնտեսական աճ կա, տնտեսական աճը ժողովուրդը զգում է իր առօրյայում, իր սառնարանը բացելիս, իր երեխայի դեմքին նայելիս: «Այո, անպայման լավ է լինելու։ Մենք թույլ չենք տալու, ամեն ինչ անելու ենք։ Ես ձայնի համար չեմ անում, ինձ ձայն չտաք էլ, ես ձեզնից շատ շնորհակալ եմ։ Աստծո կամոք, ես ամեն ինչ ունեմ։ Ինչքան լավ բան ես անում, Աստված քեզ ավելի շատ է տալիս։ Ծառուկյանը կայացած մարդ է, այնպես չէ, որ խնդիր ունի, այլ հակառակը՝ պատրաստ է իր ունեցվածքով, որը հազար ձևով ստուգել են… Ես ասում եմ՝ մենք հավատացյալ ազգ ենք՝ հավատքով, ադաթով, ավանդույթով»։