Ինչ կապ ունեն Քոչարյանի փաստաբանն ու Վերաքննիչի դատավորը
ՀՀ 2-րդ նախագահ Ռոբերտ Քոչարյանն՝ ընդդեմ վարչապետի պաշտոնակատար Նիկոլ Փաշինյանի գործով Վերաքննիչ քաղաքացիական դատարանի դատավոր Նորա Կարապետյանի ինքնաբացարկ հայտնելու պատճառը մեր ընտանիքների միջև եղած մտերմությունն է: Այս մասին ԼՈՒՐԵՐ.com-ի հետ զրույցում ասաց Քոչարյանի փաստաբան Հայկ Ալումյանը, անդրադառնալով այն հարցին, թե որն էր դատավորի ինքնաբացարկ հայտնելու պատճառը: Ալումյանը նաև նշեց, որ դատավոր Նորա Կարապետյանն իր փորձնակն է եղել. «Պատկերացնու՞մ եք՝ ինչ աղմուկ կհանեին, եթե նա քններ հարցը»: Վերջում Հայկ Ալումյանը հավելեց, որ գործը մակագրվել է դատավոր Կարեն Չիլինգարյանին: Հիշեցնենք, որ ՀՀ 2-րդ նախագահ Ռոբերտ Քոչարյանի փաստաբան Հայկ Ալումյանը սեպտեմբերի 19-ին հայցադիմում էր ներկայացրել դատարան՝ Նիկոլ Փաշինյանին հրապարակայնորեն ներողություն խնդրել պարտավորեցնելու պահանջով։ Հիշեցնենք նաև, որ այս պահին տեղի է ունենում ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումն անձեռնմխելիության հիմքով վերացնելու վերաբերյալ բողոքի քննությունը: Թեմայի վերաբերյալ Հայկ Ալումյանը նկատեց, որ Վերաքննիչ դատարանն իրենց 40 էջանոց պատասխան է տվել, որի մասին կխոսի ավելի ուշ:
Հետևեք մեզ Viber-ում
