«Ովքե՞ր են սրանք, ի՞նչ ՀՀԿ-ական, ի՞նչ օլիգարխ ու հաստավիզ, պատերով կտանք բոլորին». Նիկոլ Փաշինյան

Սպիտակցիների հետ նախընտրական հանդիպման ժամանակ  «Իմ քայլը» դաշինքի առաջնորդ, վարչապետի պաշտոնակատար Նիկոլ Փաշինյանը հայտարարեց. «Ոչ մի ձայն ՀՀԿ-ականներին. նրանք ասում են՝ եթե մտահոգված ես, ձայն տուր Հանրապետականին, ես էլ ասում եմ՝ եթե ազատ, արժանապատիվ քաղաքացի ես, ձայն չտաս Հանրապետականին: Ձայնք չտաք էն ուժերին, որոնք փորձել են ընտրակաշառքով ընտրություն հաղթել, ոչ մի ձայն որևէ ուժի, ով ընտրակաշառք է կիրառել, սպառնալիք, ոչ մի ձայն այն ուժին, ով մտածում է՝ ՀՀ-ում կարելի է բռնությամբ ու զենքով հարցեր լուծել:Որտե՞ղ կա ՀՀԿ-ական գյուղապետ, որի մտքով անցնում է գյուղացիներին ընտրության ժամանակ վախեցնել: Իմացեք, անձամբ ես գալու եմ ձեր հետևից ու վզներիցդ բռնած դուրս եմ շպրտելու ձեր կաբինետներից: Ո՞նց, էս երկրում մարդ կա, որը համարձակվում ա քաղաքացուն վախեցնե՞լ: Բոլորիդ կպառկեցնենք ասֆալտներին: Էս ովքե՞ր են սրանք, ի՞նչ ՀՀԿ-ական, ի՞նչ օլիգարխ ու հաստավիզ, պատերով կտանք բոլորին, ովքեր կփորձեն վախեցնել քաղաքացիներին: Գողեր, թալանչիներ, ստահակներ: Մեկդ չթպրտաք, չփորձեք որևէ հարկադրանքի ենթարկել ժողովրդին»: