Երևանում 43-ամյա վարորդը «07»-ով տապալել է «Պորշե» գովազդային վահանակն ու հայտնվել է ճանապարհի երթևեկելի գոտուց դուրս

Երեկ՝ նոյեմբերի 25-ին, ավտովթար է տեղի ունեցել Երևանում։ Ժամը 18։10-ի սահաններում Աշտարակ քաղաքի բնակիչ՝ 43-ամյա Գրիգոր Անթանյանը իր վարած ВАЗ 2107 մակնիշի 34 VԼ 581 համարանիշի ավտո,եքենայով Ծովակալ Իսակովի պողոտայի թիվ 32/1 հասցեի դիմաց դուրս է եկել ճանապարհի երթևեկելի գոտուց, բախվել «Պորշե» ավտոսրահի գովազդային վահանակին և հայտնվել երթևեկեի գոտուց դուրս։ Ինչպես հայտնում է ֆոտոլրագրող Գագիկ Շամշյանը, վթարի հետևանքով Գ. Անթանյանը, նրա ուղևորներ՝ Արմավիրի մարզի Հովտաշատ գյուղի բնակիչ, 58-ամյա Վարդիթեր Կիրակոսյանը և համաքաղաքացի՝ 35-ամյա Լուսինե Կիրակոսյանը մարմնական վնասվածքներով տեղափոխվել են «Աստղիկ» բժշկական կենտրոն։ Դեպքի վայր են ժամանել արտակարգ իրավիճակների նախարարության փրկարար ծառայության հրշեջ-փրկարարները և Երևանի Ճանապարհային Ոստիկանության ծառայողները։ Վթարի մասին Երևանի ՃՈ օպերատիվ կառավարման կենտրոնի պատասխանատու հերթապահ Արսեն Հարությունյանը տեղեկությունը փոծանցել է Ճանապարհային Ոստիկանության ճանապարհատրանսպորտային պատահարների հետաքննության և վարչական վարույթի իրականացման բաժանմունք, որտեղից ժամանել է հերթապահ խումբը՝ ավագ հետաքննիչ Արարատ Թևոսյանի գլխավորությամբ, ում կողմից փաստի առթիվ նյութեր են նախապատրաստվում։ Ֆոտոլրագրողը հայտնում է, որ բախման հետևանքով գովազդային վահանակը տապալվել ու ամբողջովին վնասվել է։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: