Ուկրաինայի նոր կառավարության հնարավոր կազմը

Ուկրաինական Leviy bereg պարբերականը հրապարակել է Ուկրաինայի կառավարության նախնական տարբերակի ցուցակը` եթե երկրի վարչապետ դառնա Վլադիմր Գրոյսմանը, հայտնում է gazeta.ru-ն: Տեղեկատվության համաձայն` փոխվարչապետ կդառնա տնտեսության նախարար Բորիս Լոժկինը: Եթե Լոժկինը հրաժարվի, նրա տեղը կարող է զբաղեցնել Ալեքսանդր Շլապակը: Առաջին փոխվարչապետ կդառնա Վիտալի Կովալչուկը, ֆինանսների նախարար՝ Իվան Միկլոշը: Ուկրաինայի ՆԳ նախարար կմնա Արսեն Ավակովը: Իրենց պաշտոններում կարող են մնալ նաև արդարադատության նախարար Պավել Պետրենկոն, տեղեկատվական քաղաքականության նախարար Յուրի Ստեցը և հնարավոր է էներգետիկայի և ածխի արդյունաբերության նախարար Վլադիմիր Դեմչիշինը: Տվյալ տարբերակով Գերագույն ռադայի նախագահ կդառնա Անդրեյ Պարուբիյը, իսկ առաջին փոխխոսնակ` Իրինա Գերաշչենկոն: Օլեգ Յաշկոն պատրաստվում է կոալիցիա մտնել միայն այն դեպքում, եթե նրան տան խորհրդարանի խոսնակի պաշտոնը: Ուկրաինայի գործող վարչապետ Արսենի Յացենյուկը սպասում է նախագահ Պյոտր Պորոշենկոյի այցին ԱՄՆ (մարտի 30-ապրիլի 1), որտեղ ենթադրվում է, որ նրան խորհուրդ կտան պահպանելու ներկայիս Սահմանադրությունը: