Գիշերային ակումբի մենեջեր, նախկին մարզպետ, կոմպոզիտոր․ աջաբսանդալ Արագածոտնում

Արագածոտնի մարզն ընդգրկող ընտրատարածքը այն բացառիկներից է, որտեղ նախկին իշխանության դիրքերն ամենաամուրն են։ Ռեյտինգային ընտրակարգով Հանրապետական կուսակցության եւ ընդհանրապես ողջ ընտրատարածքի այսպես ասած «անգերազանցելի» թեկնածուն Արաագածոտնի նախկին մարզպետ Սարգիս Սահակյանն է։ Վերջինիս դեմ հեղափոխությունից հետո քրեական գործ հարոցվեց պաշտոնական լիազորուոյթւոնները չարաշահելու գործով, սակայն դա չխանգարեց, որ Սերժ Սարգսյանի հետ ավելի քան մտերիմ հարաբերություն ունեցող Սահակյան եղբայրներից ավագը աջակցի ընդդիմադիր դարձած եւ աջակցության կարիք ունեցող կուսակցությանը։ Սա մյուս կողմից նշանակում է նաեւ, որ գործն այնքան շինծու է, որ նախկին մարզպետին չի կաշկանդում պայքարել իշխանության դեմ։ Հիշեցնենք, որ մարզից անցած գումարման խորհրդարանի պատգամավոր էր ընտրվել նրա եղբայրը՝ Նաիրի Սահակյանը։ Եղբայրները հայտնի են իրենց արկածներով, որոնց մասին մամուլը տարիներ շարունակ անդրադարձել է։ ՀՀԿ-ի ռեյտինգային ցուցակում է նաեւ ԱԺ փոխխոսնակ Էդուարդ Շարմազանովի խորհրդական Գեղամ Պետրոսյանը, թեկնածուների շարքում կան Թալինի մշակույթի կենտրոնի տնօրենը, պատմաբան, դեղագործ, գործազուրկ, ձեռնարկատեր եւ այլ մասնագիտությամբ մարդիկ։ Բարգավաճ Հայաստան կուսակցությունը ներկայանում նախկին եւ ներկա պատգամավորների առաջնորդած ցուցակով, նախկին ԲՀԿ-ական Արագած Ախոյանը վերադարձել է ակունքներին, նա կրկին կառաջադրվի հայրենի մարզում։ Ցուցակում է նաեւ գործող պատգամավոր Նորա Առուստամյանը, որը Գագիկ Ծառուկյանի ընկերոջ դուստրն է, թեկնածություն է առաջադրել Ճարճակիսի դպրոցի տնօրեն Հռիփսիմե Ավետիսյանը, մարզպետի տեղակալ Արծվիկ Նիկողոսյանը եւ այլք։ Հետաքրիր ցուցակ են ներկայացրել «Սասնա Ծռեր» կուսակցությունից, գրեթե բոլորը գործազուրկներ են, ինչպես նաեւ Անտոնյան Արմեն՝ ՀՀ ԱԻՆ "ՍՊՏԾ" ՊՈԱԿ-ի տնօրենի օգնական,Մխիթարյան Բաղդասար - "Մեծ Մեսրոպ" ՍՊԸ տնօրեն։ Բարենպաստ դիրքերում է նաեւ Օրինաց երկիր կուսակցությունը։ Այս մարզի Ոսկեվազ համայնքում է տեղակայված Արթուր Բաղդասարյանին պատկանող Հայասի գրուպը, որը տեղացիների եւ հարեւան գյուղերի բնակիչների համար աշխատատեղ է նաեւ ստեղծել, համայնքապետն էլ թեկնածություն է առաջադրել։ ՕԵԿ ռեյտինգային ցանկում են նաեւ Մելիքբեկյան Աննա ՝ Ֆրանսիական քոլեջ, դասախոս , Ղազարյան Ռուզաննա - Հայաստանում ֆրանսիական քոլեջ հիմնադրամ։ Մենք դաշինքի 7 հոգանոց ցուցակում բոլորը գործազուրկ են, բացառությամբ մեկի ՝ Արսենյան Անահիտ - Թիվ 171 դպ․ ուսուցչուհի։ ՀՅԴ ընտրացուցակում նույնիսկ կոմպոզիտոր է առաջադրվել ՝ Սարգսյան Մուրադ , Լուսավոր Հայաստանից՝ բանկի կառավարիչ՝ Բարսեղյան Վարդան - Հայբիզնեսբանկ» ՓԲԸ՝ կառավարիչ։ Ներկայանալի չէ նաեւ իշխող իմ Քայլը դաշինքի ընտրացուցակը, այն հետեւյալ տեսքն ունի Գեվորգյան Դավիթ - ՀՀ Արագածոտնի մարզպետարան, մարզպետ 2. Սարգսյան Անահիտ - ՀՀ Արագածոտնի մարզպետարան, մարզպետի տեղակալ 3. Ղազարյան Արմենուհի - Նաիրի Սամ ՍՊԸ, հիմնադիր տնօրեն 4. Նազարյան Արսեն - չի աշխատում 5. Մովսիսյան Սերգեյ - չի աշխատում 6. Ասատրյան Մաթեվոս - Մ. Ասատրյանի անվան մարզադպրոցի տնօրեն 7. Մալխասյան Անդրանիկ - չի աշխատում։ Նշենք միայն, որ մամուլը վերջերս գրեց, որ Սերգեյ Մովսիսյանը գիշերային ակումբի մենեջեր է եղել, ԲՀԿ տասովչիկ։ Անի Սահակյան