Ցուրտը նահանջել է, արարատցիների վախը՝ ոչ. գյուղացիները հուսահատ են

Անցած շաբաթվա ցրտերը նահանջել են, Արարատյան դաշտի բնակիչների վախը դեռ սրտերում է.<<Ահուդողով սպասում ենք, մի քանի շաբաթից պարզ կլինի ցուրտը մեր ապրուստն էլ է տարել, թե մենք էս անգամ փրկվեցինք>>,- Արարատի Ոսկետափի բնակիչ Արուս տատը մյուս գյուղացիների պես անհանգիստ է, ցրտահարված գ յուղերի շարում հեռուստացույցով իրենց գյուղի մասին չեն <<բոթել>>, բայց տատը , ինչպես ինքն է ասում, <<հողի լեզուն>>.<<Աղջիկ ջան, բույսը մինչեւ չաշխատի, չի երեւա, հիմա փաթաթված ա ծաղկի մեջ, մինչեւ ծաղկից դուրս գա, կարող ա թափվի, չպահի, ցուրտ վնասած լինի>>: Արմավիրի մարզերում ծիրան ընդհանրապես չկա, սուրտն այստեղ սաստիկ էր ու իր գործն արեց միանգամից, Մասիսի, Արտաշատի, Էջմիածնի, Արմավիրի, Բաղրամյանի ներքին հատվածներում ծիրանի բերքը 100 տոկոսով վնասվել է։ Այս մասին միանշանակ հայտարարում են այգետերերը եւ գյուղատնտեսները: Արմաշի այգետերերից Խորենն էլ նույնը պնդեց, չորս օր շարունակ հազարավոր գյուղացիներ դաշտերում են լուսացրել, ըստ Գյուղատնտեսության նախարարության հորդորների, այգին ծխահարել են, բայց այսօր վստահ չեն՝ իրենք զրկվել են բերքից, թե բնությունը փոքր-ինչ բարեհաճ է եղել իրենց հանդեպ: Ծիրանն առաջինը հենց այս գյուղում է լինում, արմաշեցի այգետերը հպարտությամբ է խոսում իրենց ու ողջ Հայաստանի <<բրենդի>> մասին, բայց շատ չանցած դեմքին անհանգստություն է իջնում ծիրանի դեռ անորոշ ապագայի մասի հիշելով: Մինչդեռ խաղողի այգիներից հույսները կտրել են.<<Խաղողի «աչքներին» հյութը սառել էր>> ասում է նա: Կողքից համագյուղացի Հայկ Զեյնալյանը, փոխարենը, բացում է բողոքի գիրքը: Աշխարհը նրա խոսքով՝ առաջ է գնում, կան արդեն նորագույն տեխնոլոգիաներ, որոնցով կարելի է պայքարել, մեր նախարարությունը դեռ <<նախնադարի>> մեթոդների հույսին է։ «Ի՞նչ ծուխ, ինչ ոռոգում։ 2014-ին էլ նույնը եղավ, դասեր Գյուղատնտեսության նախարարությունը չքաղեց։ Ի՜նչ անգրագիտություն, ով է ծաղկած ծառը ոռոգում, գյուղատնտեսությունից չեն հասկանում հերիք չի, գյուղացուն էլ ծաղրում են: Ջուր չեն տալիս, բայց հեռախոսով <<sms>> են ուղարկում, թե առատ ոռոգեք>>, ասում է Հայկը հավելելով, .<<Մեզ մոտ գալիս աղոթում են,որ իբր բերքը փրկվի: Ինձանից հավատացյալ մարդ չլինի, բայց էլի եմ ասում, էդ նախնադարի մեթոդները թող պահեն իրենց: է՜, աղոթեք թող ընդհանրապես ցիկլոն չգա, ոչ թե ցիկլոնը մեզ մոտ է , աղոթում եք, որ չցրտահարվի>> Արտերկրում, ասում է՝ հատուկ ծխագնդիկներ են վաճառում: Oգտագործում են ցողապատման մեթոդը՝ ցողը շաղ են տալիս, այն սառցակալում է և պաշտպանում բողբոջները: <<Առանց բերք, առանց փող, ապրուստի ճանապարհ չկա։ Ոչ աշնանը մթերած խաղողի փողն են տալիս, ոչ նոր բերքը պահելուն են օժանդակում, լիվ ձեռները լվացել են գյուղացուց, բայց որ պաշտոնյան կանգնում է, իր գովազդն է անում, թե դեմքով բոլորս դեպի գյուղն ենք, տո, դուք ձեր հետույքով էլ դեպի գյուղը չեք>> վրդովմունքը չի զսպում սուրենավանցի Հայկազը: Նա վստահ է, որ բնության դեմ ոչ ոք չի կարող պայքարել« Ո՞վ կասի` բնության դեմ, ցրտի դեմ կարամ պայքարեմ, գլուխը պատին է տալիս»,- նկատեց մեր զրուցակիցը առաջարկելով.<<Բայց գոնե բնության հասցրած վնասի դեպքում կանգնեք գյուղացու կողքին: Գյուղի 80 տոկոսը վարկերի տակ ճռռում է, բոլորը վարկեր են վերցրել՝ հույսով, որ բերքից ստացած եկամուտով կմարեն, դե հիմա եկեք ու ուսումնասիրեք, գոնե մեկ տարով սառեցրեք վարկերը, եթե չեք ուզում, որ հարյուրավոր մարդիկ մյուսների պես բռնեն արտագաղթի ուղին>>: Անի Սահակյան