Կիսվել լուրով

«Դժվար է ասել` արդյոք Մոսկվան կբավարարի՞ Երևանի` գազի սակագնի իջեցման ցանկությունը, քանի որ քաղաքական խնդիրներ կան». Սիմոնով

Поделиться

«Հայաստանի համար գազի սակագնի իջեցման հարցը կախված է Կրեմլի և Երևանի նոր իշխանությունների հաստատած քաղաքական կապերի որակից»,- այս մասին 168.am-ի հետ զրույցում ասաց ռուս տնտեսական վերլուծաբան Կոնստանտին Սիմոնովը՝ անդրադառնալով գազի գնի շուրջ հայ-ռուսական բանակցություններին:

Հիշեցնենք, որ ՀՀ էներգետիկ ենթակառուցվածքների և բնական պաշարների նախարարի պաշտոնակատար Գարեգին Բաղրամյանը նշել էր, որ գազի սակագների նվազեցման  շուրջ բանակցությունները շարունակվում են, և Հայաստանում գազի սակագների փոփոխության մասին լուրերին պետք է սպասել 2019 թվականի  փետրվարին:
Նրա խոսքով, գազի սակագների իջեցման հարցերը  քննարկելու համար ստեղծվել է աշխատանքային խումբ, որը գլխավորում է փոխվարչապետի պաշտոնակատարը: Դրա կազմի մեջ են մտնում վարչապետի պաշտոնակատարի խորհրդականը, Էներգետիկայի նախարարության աշխատակիցները, Հանրային ծառայությունները կարգավորող հանձնաժողովը (ՀԾԿՀ):
«Այս աշխատանքային խումբը պետք է քննարկի գազի ներկրման սակագների և գործող սակագների ձևավորման կառուցվածքային խնդիրները վերջնական սպառողների համար»,- ասել էր Բաղրամյանը: Ներկայումս Հայաստանի սահմանին ռուսաստանյան գազն արժե 150 դոլար՝ 1000 խորանարդ մետրի դիմաց: «Եթե կարծեինք, որ ամեն ինչ նորմալ է՝ գնի հետ կապված, բնականաբար, որևիցե բանակցություն այսօր չէր լինի։ Այսինքն՝ եթե բանակցում ենք, նշանակում է՝ բանակցում ենք դեպի նվազեցման կողմը: Բայց այսօր բանակցությանը չվնասելու և հետագա ընթացքին բան չանելու համար, ես ուղղակի ձեռնպահ եմ մնում որևիցե կոնկրետ թվային արտահայտություններ անելուց»,- ընդգծել էր Գարեգին Բաղրամյանը։ Ըստ նրա, բանակցվում է և սահմանին հասնող, և բնակչին հասնող գազի գնի նվազեցման հարցը: Նշենք նաև, որ ավելի վաղ ՀՀ վարչապետի պաշտոնակատար Նիկոլ Փաշինյանը ՌԴ նախագահ Վլադիմիր Պուտինի հետ քննարկել էր գազի սակագների իջեցման հարցը, որից հետո նշել էր, թե ՌԴ նախագահը տեղյակ չէ Հայաստանի բնակչին հասնող գազի գնից: Կոնստանտին Սիմոնովի խոսքով՝ գազի սակագինը բոլոր երկրներում և բոլոր ժամանակներում քաղաքական սակարկությունների առարկա է եղել: Ուստի, ըստ նրա՝ Հայաստանը բացառություն չէ, գազի սակագնի  իջեցման հարցն ունի քաղաքական, ինչպես նաև տնտեսական բաղադրիչ: Նրա խոսքով, ներկայումս դժվար կլինի վստահաբար նշել, թե Մոսկվան կբավարարի՞ Երևանի ցանկությունը, քանի որ հայ-ռուսական հարաբերություններն իրենց ամենալավ փուլում չեն: «Ամեն բան կախված է լինելու նրանից, թե ինչպես կավարտվի ներկայիս փուլը, որը ես կորակեի՝ որպես աուդիտ հարաբերություններում, երբ կողմերը վերանայում են իրենց հարաբերությունները բոլոր ոլորտներում, Մոսկվան փորձում է լսել նոր իշխանությունների տեսլականը, որը նախորդներից տարբերվում է, այլապես այս փուլի կարիքը, ըստ իս, չէր լինի: Տեսնում ենք, որ բազմաբնույթ խնդիրներ կան նաև ՀԱՊԿ-ում, որոնք, իմ կարծիքով, դեռ երկարաձգվելու են, քանի որ խոսքը միայն մեկ խնդրի մասին չէ: Ուստի կարծում եմ` սակագնի հարցում ավելի մեծ կանխատեսելիություն կլինի այն ժամանակ, երբ վերանայման գործընթացն ավարտվի, և ներկայումս երևակվող խնդիրները  երկկողմ և  եվրասիական հարթությունում լուծվեն: Ի դեպ, Հայաստանը Ռուսաստանից էժան գազ ստացող եզակի երկրներից մեկն է, և գազի գինը Հայաստանի դեպքում թանկանում է սահմանից հետո, այսինքն` «Գազպրոմ Արմենիայի» կողմից, այսինքն` այս հարցն ունի նաև հայաստանյան պատասխանատուներ, և միայն «Գազպրոմը» չէ պատասխանատու բնակչին այդ գնով հասնող  գնի համար: Ուստի պետք է Հայաստանում նաև պարզել, թե ինչու է այդքան թանկանում սահմանին 150 դոլարով հասնող գազը, և ինչպես է հնարավոր  կրճատել այն ծախսերը, որոնք նման գին են ձևավորում, կամ որքանով է այդ գինը հիմնավորված: Այնուամենայնիվ, ինչպես տեսնում եմ, հայկական կողմը բանակցում է այս 150 դոլարն իջեցնելու շուրջ, և, եթե լուծվեն քաղաքական խնդիրները, ապա Ռուսաստանը կարող է դիտարկել, թե արդյոք  հնարավոր է ծախսերի տեսանկյունից նոր գին ունենալ, թե ոչ` աջակցելով նաև լոկալ կազմակերպության ծախսերի փոխհատուցման հարցում: Քաղաքական խնդիրների լուծման դեպքում հնարավոր է արդյունավետ բանակցություն գազի սակագնի իջեցման շուրջ: Այդ ամենի համար կարիք կլինի վերանայել կամ փոփոխել ներկայումս գործող պայմանագիրը»,- նման կարծիք հայտնեց Սիմոնովը:

Поделиться
դիտվել է 88 անգամ
Հետևեք մեզ YouTube-ում Հետևեք մեզ Facebook-ում Հետևեք մեզ Telegram-ում Հետևեք մեզ Viber-ում
LIVE
Լրահոս
Երկրորդ դատավորը ևս հրաժարվեց քննել Վեհափառի և Սրբազանների գործը․ Մանե Թանդիլյան Ռուս ուղղափառ եկեղեցին աջակցություն է հայտնել Հայ առաքելական եկեղեցուն Փաշինյանի քաղաքականության ամենավտանգավոր կողմերից մեկն էլ հենց սա է․ Հովասափյան Նուրմագոմեդովը քննադատել է Ծառուկյանին Բաղրամյան պողոտայում 35-ամյա վարորդը վրաերթի է ենթարկել 33-ամյա հետիոտնի․ նա տեղափոխվել է հիվանդանոց Հնդկաստանը կարող է Հայաստանին մոտ 290 կմ հեռահարությամբ «Pralay» հրթիռներ առաջարկել. IDRW 46-ամյա տղամարդը, ում ոտքին առկա է եղել պրոբացիոն սարք, անգիտակից վիճակում տեղափոխվել է հիվանդանոց 3 անձ ձերբակալվել է Ինչու՞ Երևան, այլ ոչ թե, օրինակ, Շիրակի կամ Սյունիքի մարզ Փաշինյանն արդեն միանգամայն հստակ և բաց է խոսում Բայց քաղաքական հավատարմությունը հավերժ պաշտոնի երաշխիք չէ Ադրբեջանի տարածքով Հայաստան կուղարկվի 420 տոննա ցորեն և 280 տոննա գարի Հերթական հարվածը մեր հավաքական հիշողությանը. ահազանգ «Hyundai Elantra»-ն Նոր Երզնկայում հայտնվել է ավտովերանորոգման կետի տարածքում. կա վիրավոր Նրանք որոշել են պարզապես պատճենել մարդկանց հիմարացնելու բանաձևը. Արման Աբովյան Երբ մարդը երես է թեքում լույսից, լույսը չի անհետանում, նա ինքն է հայտնվում ստվերում․ Տեր Հեթում «Արարատ Արմենիայի» հաջողությունը համակարգային աշխատանքի հաջողության ցուցիչ է. Հակոբ Բադալյան Գործն ուղարկվեց Երևանի քրեական առաջին ատյանի դատարան Իրանը բոլոր երկրներին կոչ է արել հրաժարվել ԱՄՆ-ի տնտեսական պատերազմին մասնակցելուց Արագածոտնի մարզում բախվել են «Nissan Elgrand»-ը և «Ford Transit»-ը․ կա 4 վիրավոր Ասեմ՝ ինչ նպատակով են Ռոբերտ Քոչարյանին անմարդկային պայմաններում պահում․ Հայկ Նահապետյան (video) Պատրաստվեք, ձմեռը շատ դաժան է լինելու,1,5 տարի ժամանակ ունենք. Հայկ Նահապետյան (video) Վազելով բարձրանում էր, դեմը փակեցի. Արման Սարոյանը միշտ է պարսավանքի ենթարկվելու․ Ֆարմանյան (video) Դատավորները խայտառակ ճնշման տակ են․ ինչու՞ են Վեհափառի գործն ուղարկում Երևան Արա Զոհրաբյան (video) Նիկո՛լ, չհավատաս․ գործարք չի լինելու․ ինչու՞ Ռուսաստանն արագ արձագանքեց․ Նարեկ Մանթաշյան (video)
ԱՄԲՈՂՋ ԼՐԱՀՈՍԸ
Ամենաընթերցվածները
«Արա Նիկո՛լ, դե արի նկարներով ցույց տամ ՝ ուր ա դղյակդ»․ Մանուել Մանուկյան (video) 1 «Ալե՛ն, չես դադարում ապուշություններ խոսել, տեսա՞ր Ռուսաստանի արձագանքը Քոչարյանի վերաբերյալ» (video) 2 «Քոչարյանին չեզոքացրել է Նիկոլը,որ նորից ար*ուն հոսի․ սպասեք դաժան զարգացումների»․պատերազմի մասնակից (video) 3 Մե՞նք ենք 2 միլիարդ պարտք․ Սերգեյ Լավրովի կոշտ խոսքն՝ ուղղված Փաշինյանին (video) 4 «Չփորձվե՛ս Սասու՛ն, մոռացե՞լ ես՝ ոնց է Վազգենը քեզ աթոռով ծեծել»․ մանկավարժ (video) 5
Շուտով
Օգոստոսի 27-ին՝ ժամը 15։00-ին, Հայելի ակումբի հյուրն է Նաիրի Հոխիկյանը Օգոստոսի 27-ին՝ ժամը 13։00-ին, Հայելի ակումբի հյուրն է Արմինե Ադիբեկյանը Օգոստոսի 27-ին՝ ժամը 10։30-ին, Հայելի ակումբի հյուրն է Էդիկ Անդրեասյանը Օգոստոսի 26-ին՝ ժամը 14։00-ին, Հայելի ակումբի հյուրն է Ազգային ճակատից Նաիրա Գևորգյանը Օգոստոսի 26-ին՝ ժամը 11։30-ին, Հայելի ակումբի հյուրն է Արամ Գ․ Սարգսյանը Օգոստոսի 26-ին՝ ժամը 10։30-ին, Հայելի ակումբի հյուրն է Հովհաննես Իշխանյանը Օգոստոսի 25-ին՝ ժամը 14։00-ին, Հայելի ակումբի հյուրն է Երվանդ Բոզոյանը Օգոստոսի 25-ին՝ ժամը 12։30-ին, Հայելի ակումբի հյուրն է Էդգար Էլբակյանը Օգոստոսի 25-ին՝ ժամը 11։00-ին, Հայելի ակումբի հյուրն է Հայկ Նահապետյանը Օգոստոսի 21-ին՝ ժամը 12։00-ին, Հայելի ակումբի հյուրն է Ռուզաննա Ստեփանյանը
Հետևեք մեզ Viber-ում https://cutt.ly/5wn8sJBS
Hayeli.am