Ալեն Սիմոնյանի պատասխանը Էդուարդ Շարմազանովին
ԱԺ «Ելք» խմբակցության պատգամավոր Ալեն Սիմոնյանը, արձագանքելով Նիկոլ Փաշինյանի քայլերթի մասին ԱԺ փոխնախագահ, ՀՀԿ խոսնակ Էդուարդ Շարմազանովի հայտարարությանը, ասել է. «Թող ՀՀԿ-ն էլ երթ անի, տեսնենք՝ որքա՞ն մարդ է նրանց կարծիքը կիսում: Այսինքն, էն մարդիկ, ովքեր համարում են, որ Նիկոլ Փաշինյանի կառավարությունը ձախողել է, թող երթ անեն: Աշոտյանն էլ ձողն է մեկնաբանում, այսինքն, մեկը փայտիկն է մեկնաբանում, մյուսը՝ ձողը։ Այս ֆորմատով նրանք շատ ու շատ ասելիք կունենան մեր ժողովրդին։ Թող իրենք իրենց ասելիքը ժողովրդին ասեն ու այն մարդկանցով, որոնք կարծում են՝ ձախողվել է այս Կառավարությունը, թող երթ անեն, ինչո՞ւ չեն անում։ Եկեք դուրս գանք փողոց ու տեսնենք՝ ինչքան մարդ է կիսում ՀՀԿ-ականների կարծիքը »:
Հետևեք մեզ Viber-ում
