Բա ինչի՞ ես պահել նկարչին, ընկե՛ր. Արմեն Աշոտյանը՝ Նիկոլ Փաշինյանին (տեսանյութ)

Երբ Նիկոլ Փաշինյանը պատգամավոր էր, մեր իշխանություններից երկու մարդու թիրախավորել էր ավելի, քան ինձ ու Շարմազանովին՝ մեկը վիճպետկոմի Ստեփան Մնացականյանն էր, մյուսը ԿԸՀ նախագահ պարոն Մուկուչյանը. հիմա երկուսին էլ պահել է: Այս մասին, ԱԺ-ում լրագրողների հետ զրույցում նշեց ՀՀԿ խմբակցության պատգամավոր Արմեն Աշոտյանը: «Կամ այն ժամանակ էր սուտ խոսում, այսինքն այդ մարդիկ նկարիչ չեն, քանդակագործ չեն, կամ հիմա: Բա ինչո՞ւմ էր Փաշինյանի ճակատագրական շրջադարձի իմաստը, երբ այդ մարդկանց ինչ ասես չէր ասում, մեղադրում էր երկնիշ թվեր նկարելու մեջ: Բա ինչի՞ ես պահել նկարիչին, ընկեր: Իսկ եթե չենք նկարել, բայց հիմա ես հասկացել, որ չենք նկարել, դե ասա, որ այն ժամանակ սուտ ես ասել: Թե՞ քեզ էլ պետք նկարել հիմա... Նկարիչները միշտ ունեցել են պատվեր, եթե նրանք նկարիչ են: Ոչ մի Միքելանջելո, Ռաֆելեյ, Ռուբենս գոյություն չէին ունենա, եթե արքունիքից իրենց պատվերներ չտային»: