Ծառուկյանը կդիմի՞ Լուկաշենկոյին
«Ծառուկյան» խմբակցության քարտուղար Վահե Էնֆիաջյանը՝ խոսելով ՀԱՊԿ գլխավոր քարտուղարի շուրջ զարգացումների և Բելառուսի կոշտ հայտարարության մասին ՝ԱԺ ճեպազրույցների ժամանակ հայտարարեց .«Յուրաքանչյուր երկրի ներքաղաքական գործողություն տվյալ երկրի իշխանությունն է իրականացնում, դրանից մեր իրողությունները չեն փոխվում:Բնականաբար, պետք է փորձել հասկանալ, թե ինչ բովանդակությամբ հայտարարություններ են տեղի ունենում»,- Նա նշեց, որ պետք է ամեն ինչ անել, որ ՀԱՊԿ-ի հնարավորություններն օգտագործվեն ի շահ Հայաստանի: Հարցին՝ հնարավո՞ր է՝ Գագիկ Ծառուկյանն իր բարեկամական հարաբերությունները Բելառուսի նախագահ Լուկաշենկոյի հետ օգտագործի իրավիճակը հարթելու համար, Վ.Էնֆիաջյանը հստակ պատասխան չտվեց և խորհուրդ տվեց դիմել Ծառուկյանի մամլո խոսնակին: Նրա խոսքով՝ նման հայտարարություններին սևեռվելը ճիշտ չէ. «Մենք ամբողջ ճեպազրույցի թեման չպետք է դարձնենք այլ երկրի ղեկավարի ինչ-որ գնահատական, որի մեջ հեգնանք կա»: «Այն գնահատականը, որ տվել է Լուկաշենկոն, իմ համար ընդունելի չէ»,- ասաց Էնֆիաջյանը:
Հետևեք մեզ Viber-ում
