Պետությունն ուզում է փայ դառնալ. Վահրամ Բաղդասարյանը՝ ՊԵԿ նախագծի մասին
ՀՀԿ խմբակցության ղեկավար Վահրամ Բաղդասարյանը լրագրողների հետ ճեպազրույցում, անդրադառնալով ՊԵԿ նախագծին, նշեց, որ ինքը երբեք համաձայ չի եղել դրան: «Գիտե՞ք՝ ինչ լուջ ազդեցություն են ունենում տրանսֆերտները մեր երկրի համար: 90-ականներին ունեինք լուրջ խնդիներ և տրանսֆերտների հաշվին կարողացանք բավականին կայունացում ապահովել: Մարդիկ վերջ ի վերջո պետք է ցանկություն ունենան իրենց հարազատներին օգնելու և տարբեր ճանապարհներով իրենց հարազատներին փող ուղարկեն: Նրանք պետք է գնան զարտուղի ճանապարհներով, և մենք պետք է զգույշ լինենք այդ քայլերի մեջ: Ես բոլոր ժամանակներում դեմ եմ եղել այդ մոտեցմանը», - ասաց Բաղդասարյանը: Բաղդասարյանը հավելեց նաև, որ մարդիկ մի տրամաբանությամբ են առաջ շարժվում՝ իրենց հարզատի ուղարկած գումարից հարկեր տալ չեն ցանկանում, ինչը հասկանալի է: «Մարդ պետք է ասի՝ իմ հարազատի ուղարկած գումարին պետությունն ուզում է փայ դառնալ: Եթե միտինգում կանգած 70 տոկոսին հարցնեին՝ ի՞նչ ե ք ուզում, նրանք կասեին, որ ուզում են հարկեր չվճարել, բայց ուզում են, որ թոշակներն ու աշխատավարձերը բարձրանան: Բայց հանրությունը չի կարողանում ընկալել, որ հարկերի միջոցով են աշխատավարձերն ու թոշակները բարձրանում: Նրանք կոնկրետ իրենց եկամտի մասին են մտածում», - ասաց նա:
Հետևեք մեզ Viber-ում
