Դա նույնն է, որ մեր պաշտպանության նախարարի որդին ծառայի օտար բանակում.ԿԳ նախարար
Ինչպիսին պետք է լինի ՀՀ-ում կրթությունը՝ ներառական և արդար, և այն, ինչ արել ենք այս 6 ամիսներին, միտված է դրան. ԱԺ-ում 2019 թվականի բյուջեի նախագծի քննարկման ժամանակ ասաց կրթության և գիտության նախարարի պաշտոնակատար Արայիկ Հարությունյանը: «Ինչ ենք ունեցել նախկինում, ունեցել ենք ոլորտի մարդիկ, ովքեր առաջնորդվել են բացառապես իրենց անձնական շահերով: Կրթական ոլորտի ղեկավարի գործունեության արդյունքը վատ առումով եղել է այն, որ այդ ղեկավարի զավակը գնացել է մասնավորի դպրոց: Դա, ըստ էության, նույնն է, որ մեր պաշտպանության նախարարի զավակը ծառայի օտար բանակում, նույնն է, որ առողջապահության նախարարը մինիմալ առողջապահական կարիքները հոգա օտար երկրներում: Սա է եղել կրթության վիճակը, և ես ուրախությամբ պետք է ասեմ, որ վեց ամսում հաջողվել է լուրջ քայլեր անել»,-ասաց նա: Ռազմահայրենասիրական դաստիարակության մասին խոսելով՝ Ա. Հարությունյանն ասաց, որ այլևս դպրոցներում չեն լինելու խմբակներ, որոնց տրվում են հարյուր միլիոնավոր դրամներ բյուջեից, որտեղ գովերգվելու են «տուշոնկայով հարստացած նախկին զինվորականներ»: «Սա չի լինելու, և թող չշահարկեն, որ տարբեր խմբակների գումարները կտրել են, կտրել ենք ու տալու ենք այլ նպատակների համար, որ ՀՀ քաղաքացի դաստիարակվի»,-ասաց նա:
Հետևեք մեզ Viber-ում
