ԱԺ-ում պետական բյուջեի նախագծի քննարկմանը , պատգամավոր Տիգրան Ուրիխանյանը ՀՀ վարչապետի պաշտոնակատար Նիկոլ Փաշինյանից հետաքրքրվեց բժիշկների, հրշեջների, դասախոսների և պետական համակարգում շատ աշխատողների աշխատավարձերի բարձրացման հնարավորությամբ:
«Պետական համակարգում աշխատողների թվաքանակի, նրանց համահարթ վարձատրման հետ կապված խնդիրներ ենք տեսնում: Չենք գնալու կույր օպտիմալացումների և կրճատումների ճանապարհով:Դա մեր նպատակադրումն է, որին հասնելու ենք: Սրա համար կա երկու գործիքակազմ, մեկը բյուջեի եկամուտների բարձրացումն է, մյուսը` հասկանալը, թե ինչ է տեղի ունենում այդ համակարգերում: Մեր պետական կառավարման համակարգում կա աբսուրդ տրամաբանություն, որ բոլորին վճարում ենք նույն կերպ համահարթ: Նույն նախարարության երկու աշխատակիցներից մեկը միգուցե շատ աշխատանք է անում, մյուսը` ոչինչ, սակայն մենք երկուսին տալիս ենք նույն աշխատավարձը: Հիմա մենք խրախուսում ենք, որ աշխատողը չաշխատի: Այսօր հանրակրթության ոլորտի շատ աշխատողներ ստանում են ավելի քիչ, քան նախատեսված է օրենքով: Դրա պատճառն այն է, որ ունենք նախատեսած հաստիքների թվից ավելի աշխատողներ` տասը հազարից ավելի մարդ: Եթե ասենք, որ աշխատավարձը բարձրացնում ենք հազար դրամով, դե ֆակտո աշխատավարձերի էական բարձրացում և որակի բարձրացում չենք ունենալու: Սակայն մյուս կողմից՝ ուզում եմ ասել, որ մենք չենք գնալու կույր օպտիմալացումների, կրճատումների: Պետք է այս գործընթացն անենք մաքսիմալ այնպես, որ ցնցումներ չառաջանան: Մենք մի կողմից պետք է այլ դաշտերում հնարավորություններ ստեղծենք, որպեսզի մարդկանց քաջալերենք դրանցից օգտվել և տասնյակ տարիներ կառչած չմնալ 70 000 դրամ աշխատավարձից»,-ասաց Փաշինյանը:
«Նախարարություններում կան բազմաթիվ դեպքեր, երբ բաժինն ունի երկու աշխատող` բաժնի ղեկավար և տեղակալ: Իրավապահ համակարգում կան դեպքեր, երբ կա վաշտի հրամանատար, հրամանատարի տեղակալ, սակայն վաշտ չկա: Մենք պետք է հասկանանք` մեր պետական կառավարման համակարգն արդյոք այնպիսի՞ն է, ինչպիսի պիտի լինի, որպեսզի աշխատավարձ բարձրացնելը ոչ միայն նշանակի մարդուն ավելի գումար տալ, այլ նաև պետական կառավարման համակարգի արդյունավետության բարձրացում»,- եզրափակեց վարչապետի պաշտոնակատարը:
Հունիսի 16-ին՝ ժամը 12։00-ին, Հայելի ակումբի հյուրն է Արմինե Ադիբեկյանը
Հունիսի 16-ին՝ ժամը 14։00-ին, Հայելի ակումբի հյուրն է Ձյունիկ Աղաջանյանը
Հունիսի 16-ին՝ ժամը 13։00-ին, Հայելի ակումբի հյուրն է Երվանդ Բոզոյանը
Հունիսի 16-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Հունիսի 15-ին՝ ժամը 15։30-ին, Հայելի ակումբի հյուրն է քաղաքագետ, ԲՀԿ ցուցակով պատգամավորի թեկնածու Սուրեն Սուրենյանցը
Հունիսի 15-ին՝ ժամը 14։00-ին, Հայելի ակումբի հյուրն է լեզվաբան Նարինե Դիլբարյանը
Հունիսի 15-ին՝ ժամը 13։00-ին, Հայելի ակումբի հյուրն է ԱԺ նախկին պատգամավոր Նաիրա Զոհրաբյանը
Հունիսի 12-ին՝ ժամը 15։00-ին, Հայելի ակումբի հյուրն է Արամ Գասպարի Սարգսյանը
Հունիսի 12-ին՝ ժամը 14։00-ին, Հայելի ակումբի հյուրն է Կարինե Նալչաջյանը
Հունիսի 12-ին՝ ժամը 13։00-ին, Հայելի ակումբի հյուրն է Հայկ Այվազյանը
Հետևեք մեզ Viber-ում
