Բոլոր տեղամասերը բացել եմ տալու, հատ-հատ ստուգելու եմ. Նաիրա Զոհրաբյանը մարտական է տրամադրված
«Կոչ եմ անում դեկտեմբերի 9-ին կայանալիք խորհրդարանական արտահերթ ընտրությունների ժամանակ անօրինականություններ թույլ չտալ Մեկ անգամ ևս ուզում եմ թարմացնել բոլոր այն գործիչների հիշողությունը, ովքեր կփորձեն այս նոր խաղի պայմաններում առաջնորդվել հին մեթոդներով, օգտագործել իրենց տեղային ազդեցությունը այս կամ այլ կերպ ազդել ընտրական պրոցեսի վրա։ Հիշեք, թող ձեր աչքի առջև գա քրեական օրենսգիրքը», - ԱԺ հայտարարությունների ժամին հայտարարեց «Ծառուկյան» խմբակցության պատգամավոր Նաիրա Զոհրաբյանը:
«Ես առաջադրվելու եմ թիվ 12 ընտրատարածքում, որը ներառում է Սյունիքի և Վայոց Ձորի մարզերը,որևէ անօրինականություն նկատելու դեպքում ինքն անձամբ մտնելու եմ ընտրատեղամասեր և հատ-հատ ստուգեմ քվեաթերթիկները։Զգուշացնում եմ բարեկամաբար բոլոր նրանց, ովքեր կփորձեն, օրինակ, քվեաթերթիկների հաշման ժամանակ օգտվել նրանից, որ, ասենք, հեռավոր մի գյուղում հանձնաժողովի անդամներն իրենց ընտանիքի անադամներն են ու վերցնեն որևէ թեկնածուի քվեաթերթիկ և դնեն մեկ այլ թեկնածուի վրա, հիշեք օրենսգիրքը։ Բոլոր տեղամասերը բացել եմ տալու հատ-հատ, մեկ-մեկ ստուգելու եմ։ Շատ խիստ է լինելու պատիժը, մի մտածեք, որ այս անգամ պատիժը շրջանցելու է ձեզ, ինչպես շրջանցել է նախորդ անգամները», - հավելեց Զոհրաբյանը։
Հետևեք մեզ Viber-ում
