Տարոնի խորհրդական Գոռ Վարդանյանը հիմա էլ ուզում է տեղավորվել ԲՀԿ-ո՞ւմ

«Իրավունք» թերթը գրում է. «Դերասան, ռեժիսոր, պրոդյուսեր, Դուքենդո կարատեի ֆեդերացիայի նախագահ, Երեւանի նախկին քաղաքապետ Տարոն Մարգարյանի խորհրդական Գոռ Վարդանյանն, ով մշտապես լինելով նախկին իշխանությունների թիմում, առաջինը շտապեց շամպայն բացել՝ ողջունելով Նիկոլ Փաշինյանի իշխանափոխությունը, հիմա էլ, կարծես, նոր հանգրվան է գտել: Մեր ունեցած տեղեկությունների համաձայն՝ Գոռ Վարդանյանը պատրաստվում է առաջիկա խորհրդարանական ընտրություններին իր ծառայությունները մատուցել ԲՀԿ-ին, իսկ հնարավորության դեպքում նաեւ համալրել ԲՀԿ պատգամավորի թեկնածուների շարքերը: Ի դեպ, նախընտրական քարոզարշավի փորձ Գ. Վարդանյանը եւս ունի: Նա նախորդ ԱԺ ընտրություններին ՀՀԿ-ական Առաքել Մովսիսյանի (Շմայսի) կողքին էր ողջ քարոզարշավի ընթացքում»: Ամբողջությամբ կարող եք կարդալ թերթի այսօրվա համարում: