Պալմիրան ազատագրված է. ԱՄՆ-ն ու Բրիտանիան լուռ են

Մեծ Բրիտանիայում որոշել են լռել սիրիացիների կողմից Պալմիրայի ազատագրման մասին։ Դա ԴԱԻՇ ահաբեկչական խմբավորման վերջին 2 տարվա ամենամեծ պարտությունն էր։ Այս մասին գրում է The Independent-ը։ «Մինչ սև դահիճները այս հանգստյան օրերին լքում էին Պալմիրան, պարոն Օբաման ու Քեմերոնը լռություն էին պահպանում»,- գրում է հոդվածագիր Ռոբերտ Ֆիսկը։ Նա հիշեցրել է, որ մոտ մեկ շաբաթ առաջ «իսլամական խալիֆայության» ահաբեկիչները հարձակումներ են իրականացրել Բրյուսելում՝ խլելով 32 մարդու կյանք։ «Մի՞թե մենք չպետք է ծափահարենք պատմության մեջ ԴԱԻՇ-ի խոշոր ռազմական ձախողումը»,- հարցադրում է անում Ֆիսկը։ «Ես չկարողացա զսպել ժպիտս, երբ կարդացի, որ ԱՄՆ հրամանատարությունը Պալմիրայի ազատագրումից մի քանի օր առաջ զեկուցել է քաղաքի շրջանում ԴԱԻՇ-ի գրոհայիններին հասցված 2 ավիահարվածների մասին… Նրանք ցանկանում էին ոչնչացնել ԴԱԻՇ-ին, սակայն ոչ այնքան ուժգին»,- գրում է Ֆիսկը։ Նրա կարծիքով՝ եթե սիրիական ուժերը ռուս զինվորականների աջակցությամբ զավթեն Ռաքքան, Արևմուտքը կրկին լռություն կպահպանի։