«Դա չի նշանակում՝ միայն Նիկոլ Փաշինյանի կողմնակիցները պետք է քաղաքական դաշտում լինեն». Արամ Սարգսյան
Նորաստեղծ «Մենք» դաշինքի անդամ, «Հանրապետություն» կուսակցության ղեկավար Արամ Սարգսյանը նշել է, որ իրենց դաշինքը գալիս է լրացնելու ներքին և արտաքին քաղաքական դաշտում առկա բացթողումները: «Մեր երկու ուժերն էլ միանշանակ երկրում տեղի ունեցած փոփոխությունների ու հեղափոխության կողմնակից են եղել, մեր կուսակցությունները, մեր կենսագրությամբ պայքարել են գործող ռեժիմի դեմ, և բարեբախտաբար այդ հեղափոխությունը տեղի ունեցավ, ինչի կողմնակիցն ու աջակիցը մենք ենք: Քաղաքական դաշտում տեղի են ունենում փոփոխություններ և այդ փոփոխություններին զուգահեռ պետք է արվեն քայլեր»,- հայտարարել է Արամ Սարգսյանը: Ինչպես ասել է` հեղափոխությունն արել է Նիկոլ Փաշինյանը, բայց նա ևսպնդում է, որ հեղափոխությունը արել է ողջ հայ ժողովուրդը՝ Նիկոլ Փաշինյանի գլխավորությամբ: «Դա չի նշանակում, որ քաղաքական դաշտում պետք է լինեն միայն Նիկոլ Փաշինյանի կողմնակիցներն ու «Քաղաքացիական պայմանագիր» կուսակցության կողմնակիցները, բնականաբար, հասկանալի է, որ մեծամասնությունը իրենք են լինելու»,-ասել է Արամ Սարգսյանը:
Հետևեք մեզ Viber-ում
