«Պաշտոնապես հայտարարում եմ՝ «Հին Երևան» ծրագրի մեջ ոչ մի հուշարձան չի քանդվելու, դա վերաբերում է և՛ Արամի 23 հասցեին, և՛ այդ տարածքում գտնվող բոլոր մյուս հուշարձաններին Որպեսզի այդ շենքերը պահպանվեն, ուղղակի անհրաժեշտ է փոխել նախագծային որոշակի լուծումներ: Ճարտարապետի հետ ես արդեն պայմանավորվել եմ: Պատմական հուշարձանների քանդման թեման եկեք համարենք սպառված: Քանի դեռ ես գլխավոր ճարտարապետ եմ, Երևանում այլևս ոչ մի հուշարձան չի քանդվելու», – լրագրողների հետ հանդիպման ժամանակ հայտարարեց Երևանի գլխավոր ճարտարապետ Արթուր Մեսչյանը:
Այն սեփականատերերը, կառուցապատողները, որոնք այսուհետ կգնեն որոշակի հողատարածք, որտեղ կգտնվի որևիցե հուշարձան, պարտավորված կլինեն ֆինանսավորել տվյալ հուշարձանի վերակառուցման աշխատանքները: Դա պարտադիր պայման է լինելու,ասաց նա:
Ինչ վերաբերում է ժամանակին կատարված հողահատկացումներին ու վաճառված տարածքներն, Երևանի գլխավոր ճարտարապետը ցավով նկատեց՝ գրեթե անհնար է սեփականատերերին արգելել իրենց գնած հողատարածքների մեջ ոչ մի շինարարություն չանել: Ինչպես ասում են՝ գնացքն արդեն գնացել է, ու ներկայիս գլխավոր ճարտարապետի ձեռքում, իր իսկ խոսքով, նախորդների վաճառած տարածքների նկատմամբ իրավասություններ չկան:
«Հավատացեք, ես շատ կցանկանայի, որ և՛ Թումանյան 26 շենքի բակում նորակառույց չլիներ, և՛ մյուս տարածքներում: Բայց պետք է գտնել այն բալանսը, որի դեպքում հա՛մ բնակիչները չեն տուժի, հա՛մ քաղաքն ինչ-որ բան ստանա, հա՛մ կառուցապատողն ինչ-որ չափով մեծագույն վնասներ չկրի: Ի վերջո, բոլորս էլ գիտենք, թե կենտրոնում տարածքներն ինչ թանկ են: Այս ամենի համար կա լուծում, մենք էլ աշխատում ենք այդ ուղղությամբ: Հանդիպել եմ կառուցապատողի, ճարտարապետի հետ: Խնդրեցի ճարտարապետին փոփոխություններ կատարել նախագծում, ու, փառք Աստծո, մինչ այսօր ոչ մի ճարտարապետ ինձ չի ասել, որ դա հնարավոր չի: Կարծում եմ՝ այս հարաբերությունները կհանգեցնեն նրան, որ շինարարությունը կկատարվի, բայց առավել տրամաբանական սահմաններում», – նշեց նա:
Գլխավոր ճարտարապետը հրահագնել է Երևանի կենտրոնում նախկինում գնված տարածքների շինարարությունները, ծրագրերը դադարեցնել, մինչև բոլոր սեփականատերերի ու ճարտարապետների հետ հարցի լուծման համապատասխան տարբերակ կգտնեն:
Փետրվարի 6-ին՝ ժամը 16։00-ին, Հայելի ակումբի հյուրն է Միասին շարժումից Ժասմինա Ղևոնդյանը
Փետրվարի 6-ին՝ ժամը 15։00-ին, Հայելի ակումբի հյուրն է ազատամարտիկ Սեյրան Չիլինգարյանը
Փետրվարի 6-ին՝ ժամը 14։00-ին, Հայելի ակումբի հյուրն է Մայր Հայաստանից Արշակ Սարգսյանը
Փետրվարի 6-ին՝ ժամը 12։00-ին, Հայելի ակումբի հյուրն է Հայկ Այվազյանը
Փետրվարի 6-ին՝ ժամը 11։00-ին, Հայելի ակումբի հյուրն է ՀՀ ԶՈՒ պահեստի գնդապետ Վոլոդյա Հովհաննիսյանը
Փետրվարի 5-ին՝ ժամը 16։00-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Փետրվարի 5-ին՝ ժամը 15։00-ին, Հայելի ակումբի հյուրն է գյումրեցի իրավապաշտպան Կարապետ Պողոսյանը
Փետրվարի 5-ին՝ ժամը 13։00-ին, Հայելի ակումբի հյուրն է լեզվաբան Նարինե Դիլբարյանը
Փետրվարի 5-ին՝ ժամը 12։00-ին, Հայելի ակումբի հյուրն է արցախցի Անաստաս Իսրայելյանը
Փետրվարի 4-ին՝ ժամը 11։00-ին, Հայելի ակումբի հյուրն է արցախցի Անաստաս Իսրայելյանը
Հետևեք մեզ Viber-ում
