«Խայտառակ վիճակ է, հատկապես գրողների մոտ, դերասանները գոնե սերիալներում են նկարահանվում» Մ.Տեր-Գուլանյան

Այսօր Հայելի ակումբում գրող-հրապարակախոս Մերուժան Տեր-Գուլանյանը անդրադարձավ մշակութային գործիչների սոցիալական վիճակին. «Խայտառակ վիճակ է, հատկապես գրողների մոտ, դերասանները գոնե սերիալներում են նկարահանվում։ Գրականությունը տեր է պահանջում»։ Խոսելով իր ղեկավարած «Անդին» ամսագրի հետագա ճակատագրի մասին` նշեց, որ մշակույթի նախարարությունը դադարեցրել է բաժանորդագրությունը, սակայն այն կշարունակի լույս տեսնել ոչ պակաս, քան հազար օրինակով։ Գրող-հրապարակախոս Կարինե Հակոբյանն էլ, խոսելով  «Զվարթնոց» օդանավակայանի  անվանափոխումից,նշեց, որ այն քննարկման նյութ չպետք է դառնար. «Ես շատ զարմացա, որ «Զվարթնոցի» անվանումը փոխելու խոսակցություններ ծավալվեցին։ Շառլ Ազնավուրին մշտապես ողջ պահելը նրա երաժշտությունն անընդհատ լսելի դարձնելն է: Մենք պետք է դաստիարակվենք նրա երաժշտությամբ, դա կլինի մեր ամենամեծ պատասխանն այն գործին, որն Ազնավուրն արել է Հայաստանի համար»: