ARMTIMES.COM ԷԼԵԿՏՐՈՆԱՅԻՆ ԿԱՅՔՈՒՄ ՀՐԱՊԱՐԱԿՎԱԾ «ՏՆՏԵՍՎԱՐՈՂՆԵՐԸ ԴԺԳՈՀ ԵՆ ՊԵԿ-Ի ԿՈՂՄԻՑ ԻՐԱԿԱՆԱՑՎՈՂ ՎԱՐՉԱՐԱՐՈՒԹՅՈՒՆԻՑ. ԲԱՑ ՆԱՄԱԿ ՊԵԿ ՆԱԽԱԳԱՀԻՆ» ՎԵՐՆԱԳՐՎԱԾ ՆՅՈՒԹԻ ՎԵՐԱԲԵՐՅԱԼ
ՀՀ պետական եկամուտների կոմիտեի տեղեկատվական բազայի համաձայն «Տարոն» բաց բաժնետիրական ընկերության (այսուհետ նաև Ընկերություն) պարտավորությունները պետական բյուջեի նկատմամբ կազմում են 33,834,554 դրամ:
Նշված պարտավորությունները հաշվարկվել են «Տարոն» ԲԲԸ-ի և վերջինիս իրավանախորդի (Եղեգնաձորի տրիկոտաժի ֆաբրիկա) կողմից հարկային մարմնին ներկայացված հաշվարկ հաշվետվությունների հիման վրա, որոնք առկա են ընկերության հարկային գործում:
Նշված գումարի գանձման նպատակով հարկային մարմնի կողմից կայացվել է վարչական ակտ՝ որն ընկերության կողմից վիճարկվում է ՀՀ վարչական դատարանում, որպես հիմք ներկայացնելով այն հանգամանքը, որ ընկերության մասնավորեցման փաթեթում պարտավորությունների նման չափ նախատեսված չի եղել:
Դեռևս 18.05.2018թ-ին ընկերության տնօրեն Հայկ Իսախանյանի կողմից ՀՀ վարչապետին էր հասցեագրվել դիմում՝ գործին լուծում տալու նպատակով:
ՀՀ ՊԵԿ կողմից կազմակերպվել է քննարկում Հ. Իսախանյանի հետ, որի շրջանակներում քննարկվել է հաշտության համաձայնություն կնքելու հարցը: Չնայած այն հանգամանքին, որ համաձայն Հարկային օրենսգրքի 1-ին հոդվածի 2-րդ մասի հարկային պարտավորությունների զիջման արտոնություն կարող է նախատեսվել միայն օրենսգրքով կամ օրենքով, այնուամենայնիվ, ՊԵԿ կողմից ներկայացվել է առաջարկ, ընդունել ընկերության մասնավորեցման փաթեթում նշված և մասնավորեցումից հետո ընկերության կողմից ներկայացված հաշվարկների հիման վրա առաջացած պարտավորությունները՝ զիջելով մինչև մասնավորեցումը Եղեգնաձորի տրիկոտաժի ֆաբրիկայի կողմից ներկայացված հաշվարկների հիմքով առաջացած հարկային պարտավորությունները, քանի որ դրանց վարման անձնական հաշվի քարտերը չեն պահպանվել (նշված հանգամանքը ՀՀ վարչական դատարանում ևս հանդիսանում է քննարկման առարկա): Ներկայացված առաջարկով ընկերության պարտավորությունները պետք է նվազեին՝ կազմելով շուրջ 12 մլն. դրամ, չհաշված վերջինիս կողմից կատարված վճարումները:
Նշված առաջարկը «Տարոն» ԲԲԸ-ի տնօրեն Հայկ Իսախանյանի կողմից մերժվել է այն հիմնավորմամբ, որ ընկերությունը չի պատրաստվում որևէ գումար վճարել:
Վերոգրյալն ամփոփելով գտնում ենք, որ ընկերությանն առաջարկված հաշտության համաձայնության մերժման պայմաններում գործի լուծումը կարող է տրվել ՀՀ վարչական դատարանի կողմից քննվող գործի շրջանակներում, հաշվի առնելով նաև, որ առկա չեն ընկերության պարտավորությունների զիջման իրավական հիմքեր:
Հունիսի 16-ին՝ ժամը 12։00-ին, Հայելի ակումբի հյուրն է Արմինե Ադիբեկյանը
Հունիսի 16-ին՝ ժամը 14։00-ին, Հայելի ակումբի հյուրն է Ձյունիկ Աղաջանյանը
Հունիսի 16-ին՝ ժամը 13։00-ին, Հայելի ակումբի հյուրն է Երվանդ Բոզոյանը
Հունիսի 16-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Հունիսի 15-ին՝ ժամը 15։30-ին, Հայելի ակումբի հյուրն է քաղաքագետ, ԲՀԿ ցուցակով պատգամավորի թեկնածու Սուրեն Սուրենյանցը
Հունիսի 15-ին՝ ժամը 14։00-ին, Հայելի ակումբի հյուրն է լեզվաբան Նարինե Դիլբարյանը
Հունիսի 15-ին՝ ժամը 13։00-ին, Հայելի ակումբի հյուրն է ԱԺ նախկին պատգամավոր Նաիրա Զոհրաբյանը
Հունիսի 12-ին՝ ժամը 15։00-ին, Հայելի ակումբի հյուրն է Արամ Գասպարի Սարգսյանը
Հունիսի 12-ին՝ ժամը 14։00-ին, Հայելի ակումբի հյուրն է Կարինե Նալչաջյանը
Հունիսի 12-ին՝ ժամը 13։00-ին, Հայելի ակումբի հյուրն է Հայկ Այվազյանը
Հետևեք մեզ Viber-ում
