Հրապարակվել է Գյումրու «Փարվանա» ռեստորանային համալիրի մոտ տեղի ունեցած ողբերգական ավտովթարի տեսանյութը

Tsayg.am. Նոյեմբերի 2-ին՝ ժամը 13:56-ին, «911» ծառայությանն ահազանգ է ստացվել, որ Գյումրու «Փարվանա» ռեստորանային համալիրի մոտակայքում տեղի է ունեցել ՃՏՊ. կան տուժածներ: Անհրաժեշտ է փրկարարների օգնությունը: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ օդանավակայանի խճուղու սկզբնամասում բախվել են «Land cruiser» եւ «Mazda» մակնիշի ավտոմեքենաները: Բախման հետեւանքով տուժել է 4 քաղաքացի, որոնք հոսպիտալացվել են Գյումրու ԲԿ: Հոսպիտալացման ճանապարհին տուժածներից մեկը մահացել է: