Հաշվարկներ են իրականացվում. Տիգրան Մուկուչյան
Գործող Ընտրական օրենսգիրքը հնարավորություն է տալիս լիարժեք ծավալով կազմակերպելու ընտրությունները, այսօր խորհրդարանում լրագրողներին ասաց Կենտրոնական ընտրական հանձնաժողովի նախագահ Տիգրան Մուկուչյանը: Նա նշեց, որ չի ուզում նորից գնահատականներ հնչեցնել 2017 թվականի ընտրությունների վերաբերյալ: Հարցին՝ գործող ԸՕ-ով հնարավո՞ր է անցկացնել ժողովրդավարական ընտրություն՝ հաշվի առնելով նախորդ ընտրությունների շուրջ հնչած քննադատությունները, Տիգրան Մուկուչյանը պատասխանեց. «Գնահատականները ժամանակին հնչեցվել են թե՛ քաղաքական ուժերի կողմից, թե՛ դիտորդական կազմակերպությունների: Գործող ընտրական օրենսգիրքը լիարժեք հնարավորություն է տալիս կազմակերպել ազատ, արդար, թափանցիկ, ժողովրդավար ընտրություններ»,- հավելեց Տիգրան Մուկուչյանը: Մուկուչյանը նաև նշեց, որ այս փուլում հաշվարկներ են իրականացվում, թե որքան գումար է անհրաժեշտ ԱԺ արտահերթ ընտրությունների անցկացման համար: «Ես կարծում եմ, որ այսօր, երբ արդեն մեկնարկել է գործընթաց, գոյություն ունի Ընտրական օրենսգիրք, հետևաբար դրա կանոնակարգումներին համապատասխան պետք է իրականացվի ընտրական գործընթացի կազմակերպումը: Մնացածը գուցե շատ հետաքրքիր թեմա է, բայց ոչ այս փուլում և ոչ ԿԸՀ կողմից քննարկվող թեմա է»,- ասաց նա:
Հետևեք մեզ Viber-ում
