Երբ տեղի կունենա նորընտիր ԱԺ առաջին նիստը

Հայաստանում խորհրդարանական արտահերթ ընտրությունների արդյունքում ձևավորվելիք նոր խորհրդարանի առաջին նիստը կարող է տեղի ունենալ դեկտեմբերի 31-ին։ ՀՀ ԱԺ կանոնակարգ սահմանադրական օրենքի 32-րդ հոդվածի համաձայն, Ազգային ժողովի առաջին նստաշրջանը հրավիրվում է նորընտիր Ազգային ժողովի կազմավորումից հետո երկրորդ երկուշաբթի օրը՝ ժամը 10:00-ին։ Այդ մասին հայտարարում է Կենտրոնական ընտրական հանձնաժողովի նախագահը: Ընտրությունները կայանալու են դեկտեմբերի 9-ին։ Ընտրական օրենսգրքի 75-րդ հոդվածի համաձայն՝ Կենտրոնական ընտրական հանձնաժողովը քվեարկության օրվանից հետո 7-րդ օրը՝ այսինքն դեկտեմբերի 16-ին, հրապարակում է ընտրությունների վերջնական արդյունքները, որին հաջորդած երկրորդ երկուշաբթի օրը՝ դեկտեմբերի 31-ն կայանալու է նոր խորհրդարանի առաջին նիստը։