Վաչե Մարգարյանի հանդեպ ճնշումներ ե՞ն եղել
«Ռոբերտ Քոչարյանի խափանման միջոցը ընտրելու հարցում իմ նկատմամբ, իհարկե, ճնշումներ չեն եղել»,-այսօր՝ ԱԺ քննիչ հանձնաժողովի նիստից հետո, լրագրողների հետ զրույցում հավաստիացրեց Երևան քաղաքի ընդհանուր իրավասության դատարանի դատավոր Վաչե Մարգարյանը, ում անունը շոշափվում է ՀՔԾ պետի և ԱԱԾ տնօրենի հեռախոսազրույցի հայտնի ձայնագրության մեջ։Անդրադառնալով հարցին՝ ԱԱԾ տնօրենը նշյալ հեռախոսազրույցում իրեն անվանել է Հրաչ և ասել է, որ ուզի-չուզի՝ պիտի Քոչարյանի նկատմամբ կալանք կիրառի, դատավորը հորդորել է այդ մասին հարցնել ոչ թե իրեն, այլ Հրաչին։ «Իմ անունը Հրաչ չէ»,- հեգնել է նա: Հարցին՝ ինքը վկայի կարգավիճա՞կ ունի, դատավորը հորդորեց հարցի պատասխանը ստանալ նախաքննական մարմնից։ Նա հրաժարվեց որևէ հարցի պատասխանել՝ հավելելով, որ մամուլի ասուլիս չի տալիս։
Հետևեք մեզ Viber-ում
