Տիգրան Ավինյանն՝ իր ընկերությունում ստուգումներ անցկացնելու մասին
ՀՀ փոխվարչապետի պաշտոնակատար Տիգրան Ավինյանն այսօր անդրադարձել է նաև «Գյուղատնտեսական ծրագրերի իրականացման գրասենյակի» կողմից իրեն պատկանող «Իրիգեյթ» ՍՊԸ-ին դրամաշնորհ տրամադրելու հետ կապված տեղեկատվությանը` նշելով, որ«Գյուղատնտեսական ծրագրերի իրականացման գրասենյակի»-ի կողմից դրամաշնորհ ստանալու հետ կապված ծրագրին ընկերությունը դիմել է դեռևս փետրվարին, գրեթե բոլոր փուլերը տեղի են ունեցել մինչև հեղափոխությունը: «Ամբողջական գործընթացը գրասենյակի հետ կապված մենք ներկայացրել ենք, և այն մարդիկ, ում հետաքրքիր է գործընթացը, կարող են ծանոթանալ և տեսնել, որ շահերի բախում չկա: Ես ողջունում եմ իրականացվելիք ստուգումները, քանի որ կարծում եմ, որ նմանատիպ գործընթացներում թափանցիկությունը ամենակարևորն է»,- ասաց նա:
Հետևեք մեզ Viber-ում
