Լավ է Աստծո կամքով մի որդ, ճիճու լինել, քան թե մարդկանց կամքով` թագավոր. Վարդան Ղուկասյան

«Փառք Աստծո, ես Վարդան Ղուկասյան անունը ձեռք եմ բերել` ոչ որպես քաղաքապետ, ոչ էլ պատգամավոր լինելով: Այսինքն` ես ապրած ունեմ, իմ ապրած կյանքն ինձ ցույց է տալիս, որ ես էս մարդն եմ, աթոռով չէ, որ մարդը պետք է անուն ձեռք բերի: Ձեզ մի բան ասեմ, հստակ գիտեցեք` լավ է Աստծո կամքով մի որդ, ճիճու լինեի, քան թե մարդկանց կամքով` թագավոր և իշխան»,- խորհրդարանում լրագրողների հետ զրույցում հայտարարեց ԱԺ «Ծառուկյան» խմբակցության պատգամավոր Վարդան Ղուկասյանը: Ղուկասյանը հավաստիացրեց, որ չէր ուզում ոչ մի կուսակցության մեջ մտնել: Հարցին` հնարավո՞ր է, որ դարձյալ փորձի քաղաքապետ դառնալ, Ղուկասյանն արձագանքեց. «Էս վերջին տարիների դավադրություններն էնքան շատ են: Ամբողջ քաղաքը կյանքիս գնով կառուցեցի, խփվեցինք, մահացանք, քաղաք կառուցեցինք, բայց, ցավոք սրտի, էլի դուք վատաբանեցիք: Ոչ թե հոգնեցի աշխատանքից, այլ ձեր դավերից: «Լավ տղա» բառից ինչի՞ եք փախնում, ի՞նչ լինի տղեն` գալուբո՞յ, որ դուրներդ գա, ստուկա՞չ, ծախո՞ղ տղա: Իսկ գիտե՞ք` լավ տղեն ով էր, Հիսուս Քրիստոսի աջակողմյան տղեն, որ առաջինը գտնվեց դրախտում»: