Ես՝ որպես առողջապահության նախարար, չունեմ որևէ ընկեր.Արսեն Թորոսյան

«Ես պաշտոնապես հայտարարում եմ, որ ես՝ որպես առողջապահության նախարար, չունեմ որևէ ընկեր: Եթե որևէ մեկը կասի, որ առողջապահության նախարարի ընկերն է ու ունի առավելություն որևէ հարցում, ուրեմն՝ նա ստում է: Իմ բոլոր գործողությունները բխում են միայն մեր գործի շահերից: Ինչ վերաբերում է հարցին, թե ինչպես եմ աշխատակիցներ ընտրում ու նշանակում՝ նույն Նուբարաշենի հոգեբուժարանի՝ արդեն իսկ նախկին տնօրեն Նարեկ Վանեսյանի հետ ծանոթացել եմ 2 տարի առաջ, երբ նա առողջապահության նախարարության հասարակական խորհրդի անդամ ու մի առիթով շփվել ենք: Հետո տեսել եմ, որ փորձ ունի ու նա միանգամից չի նշանակվել տնօրեն. մեկ ուրիշը պարզապես չի դիմացել տեղում առկա իրավիճակին, հրաժարական է տվել, մրցույթ է հայտարարվել ու նոր միայն Վանեսյանն է նշանակվել»,-լրագրողների հետ զրույցում ասաց  ՀՀ առողջապահության նախարար Արսեն Թորոսյանն՝ անդրադառնալով լուրերին, որ իր ընկերներին է աշխատանքի ընդունում: Նույնը վերաբերվում է նաև Մասիվի ԲԿ-ի տնօրենի ժպ Արման Հովակիմյանին, ով ուղղակի օգնել է տնօրենի նշանակման հարցում  և ում հետ Թորոսյանը ծանոթացել է 4-5 ամիս առաջ: Թորոսյանը նշեց նաև, որ ինքն իր ընկերներին ոչ մի տեղ չի նշանակում միայն այն բանի համար, որ նրանք իր ընկերներն են.«Այո, ես վստահելի մարդկանց եմ նշանակում, քանի որ հակառակն ուղղակի անհեթեթություն կլիներ»: