Ձերբակալված ռուս միլիարդատերը դժգոհ է բանտի երաժշտությունից
«Интерфакс»-ը հայտնում է,որ ձերբակալված ռուս միլիարդատեր Զիյավուդին Մագոմեդովը բողոքել է ՔԿՀ-ում հնչող միատեսակ երաժշտությունից: Հանրային դիտորդական հանձնաժողովի քարտուղար Իվան Մելնիկովի խոսքով` միլիարդատիրոջը բողոքի պատճառն այն է. որ ՔԿՀ-ում անընդհատ միացված է ռադիոյի մեկ ալիք, որով միշտ հնչում են միևնույն երգերը: Գործարարը այլ բողոքներ չունի: Միլիարդատեր Մագոմեդովին տարբեր պատճառներով արդեն 7-րդ անգամն են տեղափոխում մի խցից մյուսը: Այժմ նա գտնվում է մի վերանորոգված խցում և ուրախանում է, որ իր սենյակում ամեն ինչ կոկիկ է և հեռուստացույցը անխափան գործում է. այժմ նա կարող է հանգիստ հետևել UFC չեմպիոն Խաբիբ Նուրմագոմեդովի մարտերին,նշել է Մելնիկովը:
Հետևեք մեզ Viber-ում
