Չենք ապացուցելու, որ մենք ընձուղտ չենք. Գեւորգ Գորգիսյան

«ԸՕ-ի նախագծի փաթեթը երկուշաբթի օրն ընդունվելու է, քանի որ պատգամավորները խոսք են տվել՝ գալու են ու կողմ քվեարկեն: Խոսքը ԲՀԿ-ի, ՀՅԴ-ի եւ ՀՀԿ-ի այն պատգմավորների մասին է, ովքեր սատարում են դեկտեմբերին ընտրությունների անցկացման գաղափարը»,- ԱԺ ճեպազրույցների ժամին հայտարարեց ԱԺ ԵԼՔ խմբակցության քարտուղար Գեւորգ Գորգիսյանը: Շարմազանովի այն հայտարարության մասին,ըստ որի  ընտրություններից հետո «Լույս» դաշինքը լինելու է Նիկոլ Փաշինյանի կառավարության գրպանային ընդդիմությունը , նշեց.«Նույնիսկ Նիկոլ Փաշինյանի ծիծաղը կգա այն արտահայտության վրա, որ մենք կարող ենք լինել գրպանային ընդդիմություն։ Հանրապետականները միշտ ամեն ինչ չափում են ժողովրդական խոսքով ասած՝ իրենց արշինով»։ Դիտարկմանը, թե իրենց մշտապես կապում են «սեւ» ուժերի հետ՝ Գորգիսյանն ասաց. «Անընդհատ չենք ապացուցելու, որ մենք, ասենք, ընձուղտ չենք»։