Արեգ Կյուրեղյանը հեռացվեց դահլիճից

Մեկնարկեց Երևանի ընդհանուր իրավասության դատարանի Շենգավիթի նստավայրում «Սասնա ծռեր» խմբի գործով դատական նիստը: Մեղադրյալներն ուշացել էին նիստից, ինչի համար դատավորը զգուշացրեց նրանց՝ ասելով, որ դա կարող է դիտարկվել որպես դատավարությունից խուսափելու փորձ, և ունենալ համապատասխան հետևանքներ: Խմբի անդամներից Արեգ Կյուրեղյանը դատավորին հորդորեց չսպառնալ իրենց, դատավորն էլ պատասխանեց, որ չի սպառնում, այլ զգուշացնում է և անարգալից վերաբերմունքի համար սանկցիա կիրառեց Կյուրեղյանի հանդեպ՝ զգուշացման տեսքով: Կյուրեղյանը շարունակում էր նստած տեղից դատավորին ինչ-որ բաներ ասել, որի պատճառով դատավորի որոշմամբ նա հեռացվեց դահլիճից: Դատարանի որոշմամբ նիստը հետաձգվեց մինչ հաջորդ չորեքշաբթի: