Արմեն Սարգսյանի մահացու հարվածը.ՀՀԿ-ն կգնա՞ վերջին մարտին
Նախագահ Արմեն Սարգսյանը հայտարարել է, որ չի ստորագրում ԱԺ կանոնակարգի փոփոխության վիճահարույց օրենքը, որը հոկտեմբերի 2-ին դարձավ հայտնի իրադարձությունների պատճառ: «Օրենքի վերաբերյալ փաստացի արձանագրվեց հանրության մի ստվար զանգվածի անհամաձայնությունը: Հավատարիմ իր մոտեցմանը՝ նախագահ Սարգսյանը հանձնարարեց իր աշխատակազմին ավելի խորն ուսումնասիրել տվյալ հարցի վերաբերյալ միջազգային փորձը, ինչպես նաև ներկայացված Օրենքի փոփոխությունները՝ իրենց հիմնավորմամբ: Օրենքի փոփոխությունների, ինչպես նաև «Ազգային ժողովի կանոնակարգ» օրենքի գործող խմբագրության վերաբերյալ իրականացված ուսումնասիրությունները վկայում են որոշակի առերևույթ սահմանադրա¬իրավական խնդիրների մասին», ասված է նախագահի նստավայրի տարածած հաղորդագրության մեջ: Արմեն Սարգսյանը օրենքը ուղարկել է Սահմանադրական դատարան: Արմեն Սարգսյանը կարող էր ոչ ստորագրեր օրենքը, ոչ էլ այն ուղարկեր ՍԴ, այդ դեպքում օրենքն իրավունքի ուժով կգործեր, եթե, իհարկե, ԱԺ նախագահը ստորագրեր այն: Բայց նախագահ Սարգսյանը փաստացի որոշեց պատասխանատվությունն իր ուսերին կրել ու դիմել ՍԴ, որտեղ նվազագույնը մի քանիշաբաթյա ընթացակարգ է սահմանված, որպեսզի կայացնեն սահմանադրականության հարցի վերաբերյալ վճիռը: Վերջին օրերի գործընթացները, մասնավորապես Ընտրական օրենսգքրի տապալումով խորհրդարանական ուժերը ըստ էության ազդակ ուղղեցին Արմեն Սարգսյանին, թե ամեն ինչ դեռ ավարտված չէ եւ կարող են վերադարձնել հին Հայաստանը: Բավական է մի ստորագրություն եւ օրենքն այդ ուժի մեջ կմտներ՝ ազատելով պատգամավորների ձեռքերը կապանքներից, նրանք անկասկած կտապալեին արտահերթ խորհրդարանական ընտրությունները,Նիկոլ Փաշինյանը չէր կարող ժողովդրի ճնշմամբ հասնել իր ուզածին, այդ օրենքի գոյությունը դա թույլ չէր տա եւ, ի վերջո, գործընթացները կհասցնեին վարչապետի անվստահության նախագծին: Բայց նախագահը ստորագրեց հանուն նոր Հայաստանի ու պատահական չէ դրանից հետո ՀՀԿ-ական Դավիթ Հարությունյանի հայտարարությունը, թե իրենք չեն խոչընդոտի արտահերթ ընտրությունների կայացմանը եւ կողմ չեն քվեարկի Փաշինյանի թեկնածությանը: Քանզի այս ամենից հետո , երբ անգամ Սերժ Սարգսյանի նշանակած նախագահն է կանխում նախկինների սլացքը, արտահերթին դիմադրելն անտեղի է: Հիմա մնում է սպասել՝ ՀՀԿ-ն այնքան ուժ կունենա , որ երկուշաբթի մեկնարկող արտահերթին նույնպես մերժի իշխանությունների մշակած նոր ԸՕ-ն,ու ընտրությունների գնա գործող ռեյտինգային համակարգով, որը հնարավորություն կշնորհի խորհրդարանի ուղեգիր ձեռք բերելու համար, թե ճնշման ներքո ամեն ինչ կընթանա իշխանության սցենարով : Անի Սահակյան
Հետևեք մեզ Viber-ում
