Ովքեր ընտրվեցին քաղաքապետ. ՏԻՄ-ի նախնական ամփոփում

Եւ այսպես, հերթական ընտրությունը կարելի է կայացած համարել նոր Հայաստանում: Երեւանի ավագանու ընտրություններից հետո եւ դեկտեմբերին նախանշվող արտահերթ խորհրդարանական ընտրություններից առաջ Հայաստանի մի շարք մարզերում անցկացված տեղական ինքնակառավարման մարմնի ընտրությունները կարեւոր մարզում էին կուսակցությունների համար: Իսկ այժմ ավելի մանրամասն, թե ինչ արդյունքներ արձանագրվեցին: Հոկտեմբերի 21-ին, Արագածոտնի, Արարատի, Արմավիրի, Գեղարքունիքի, Լոռու, Կոտայքի, Շիրակի, Սյունիքի և Տավուշի մարզերի թվով 49 համայնքներում, կայացան տեղական ինքնակառավարման մարմնի ընտրություններ, դրանցից 24-ում ընտրությունները հերթական են, իսկ 25-ում՝ արտահերթ: Ընդ որում՝ նշված համայնքներից 42-ում միայն համայնքի ղեկավար էին ընտրում, 6 համայնքում՝ միայն ավագանու անդամի, և մեկ համայնքում միաժամանակ համայնքի ղեկավար և ավագանու անդամ: Ժամը 20:00-ի դրությամբ քվեարկելու իրավունք ունեցող 217,708 քաղաքացուց քվեարկությանը, նախնական տվյալներով, մասնակցել է 94.222 ընտրող կամ ընտրելու իրավունք ունեցողների 43.28 տոկոսը Հատկապես կարեւոր էին ընտրությունները մի շարք մեծ համայնքներում՝ Կապան, Հրազդան, Արմավիր, Հոկտեմբերյան: Վարչապետ Նիկոլ Փաշինյանի կուսակցությունը՝ ՔՊ-ն Կապանում, Արմավիրում եւ Հոկտեմբերյանում թեկնածու ուներ, իսկ Հրազդանում դաշտը ազատ էր: Այժմ ամփոփենք ընտրությունների նախնական արդյունքները այս համայնքներում: Կապան Ընտրողների ընդհանուր թիվը-34969 Քվեարկության մասնակիցների ընդհանուր թիվը -19503 Անվավեր քվեաթերթիկների թիվը-199 Սյունիքի փոխմարզպետ, ՔՊ անդամ Նարեկ Բաբայան-8499  Անկուսակցական Էդգար Հովհաննիսյան-297   Անկուսակցկան Գեւորգ Փարսյան- 10507  Սյունիքի մարզկենտրոնը՝ Կապանը, անակնկալ մատուցեց այս ընտրություններին՝ մերժելով վարչապետի թեկնածուին: Եթե ոմանք սա կապում են նորանշանակ մարզպետ Հունան Պողոսյանի հետ՝ համարելով, որ մարդիկ հիասթափված էին այս նշանակումից, ապա Կապանի մեր ընթերցողները նշում են, որ ի սկզբանե բավականին շոշափելի էին Գեւորգ Փարսյանի ընտրվելու շանսերը, քանի որ սիրված, ընդունված, թեկնածու է՝ մեծ շրջապատով, լավ ընտանիքից: Հրազդան Ընտրողների ընդհանուր թիվը -44154 Քվեարկության մասնակիցների ընդհանուր թիվը -16262 Անվավեր քվեաթերթիկների թիվը-762 Սեւակ Միքայելյան- 10681 Լեւոն Ստեփանյան- 4819 Երկրորդ խնդրահարույց համայնքը Հրազդանն էր, ՔՊ-ն այստեղ չսատարեց Սասուն Միքայելյանի որդուն՝ Սեւակ Միքայելյանին, որպեսզի հետագայում չմեղադրեն ընտանիքի անդամներին պաշտոններ բաշխելու մեջ: Անկախ այս ամենից, ինչպես նաեւ քարոզարշավի վերջին օրը դպրոցի տնօրենի հետ հեռախոսազրույցի ձայնագրության հրապարակումից՝ 25-ամյա Սեւակ Միքայելյանը հաղթանակ տարավ: Արմավիր Ընտրողների ընդհանուր թիվը -28699 Քվեարկության մասնակիցների ընդհանուր թիվը- 9937 Անվավեր քվեաթերթիկների թիվը -171 Ժիրայր Աբրահամյան-159 Դավիթ Խուդաթյան-6693 Օհան Հարությունյան- 1626 Սեւակ Մինասյան- 1288 Այսպիսով,  Արմավիրում քաղաքապետ կդառնա ՔՊ-ի թեկնածու Դավիթ Խուդաթյանը, նա արդեն ֆեյսբուքում հասցրել է շնորհակալություն հայտնել իր համաքաղաքացիներին: Վաղարշապատ (Էջմիածին) Ընտրողների ընդհանուր թիվը -45278 Քվեարկության մասնակիցների ընդհանուր թիվը-15827 Անվավեր քվեաթերթիկների թիվը-345 Վարդան Առաքելյան-402 Գագիկ Բաղրամյան-250 Դիանա Գասպարյան- 8076 Վազրիկ Գրիգորյան-283 Վահագն Թադեւոսյան- 203 Սուրեն Թոփալյան-295 Սուսաննա Մարգարյան-180 Վահե Մովսիսյան-679 Սամվել Մուրադյան-802 Սուրեն Մուրադյան- 3699 Սերգեյ Սարգսյան-196 Կարեն Ստեփանյան-416 Այսպիսով, Էջմիածնի քաղաքապետ է ընտրվում ՔՊ-ի թեկնածուն, քաղաքապետի ժամանակավոր պաշտոնակատար Դիանա Գասպարյանը: Գեներալների օրրանը կունենա կին քաղաքապետ: Հավելենք, որ հրապարակված տվյալները վերցված են ԿԸՀ-ից ժամը 00.00-00.30-ի դրությամբ: armdaily.am