Որքան մարդ է քվեարկել Գեղարքունիքի մարզի 6 համայնքներում
Գեղարքունիքի մարզի Դդմաշեն, Երանոս, Մաքենիս, Ներքին Գետաշեն, Վերին Գետաշեն, Սարուխան համայնքներում ընթանում են համայնքի ղեկավարի հերթական եւ արտահերթ ընտրություններ: Ինչպես «Արմենպրես»-ին տեղեկացրին Գեղարքունիքի մարզի թիվ 19, 20, 21 տարածքային ընտրական հանձնաժողովներից, ժամը 14-ի դրությամբ, քվեարկությունն ընթացել է առանց խախտումների կամ լուրջ միջադեպերի: 21 հազար 617 ընտրողներից, ժամը 14-ի դրությամբ, քվեարկությանը մասնակցել են 5367 ընտրող, կամ՝ ընտրողների ընդհանուր թվի 24,8 տոկոսը: Ներքին Գետաշենում գրանցված 6411 ընտրողներից քվեարկությանը մասնակցել են 1206 ընտրող, կամ՝ 18,81 տոկոսը: Վերին Գետաշենում գրանցված 3228 ընտրողներից քվեարկել են 958-ը, կամ՝ 29,68 տոկոսը: Մաքենիսում 348 ընտրողից քվեարկել են 170-ը, կամ՝ 48,85 տոկոսը: Դդմաշենում 1119 ընտրողից քվեարկել են 751-ը, կամ՝ 39,13 տոկոսը: Սարուխանում 5884 ընտրողից քվեարկել են 1397-ը, կամ՝ 23,74 տոկոսը: Երանոսում 3827 ընտրողից քվեարկել են 885-ը, կամ՝ 23,13 տոկոսը: Ընտրողների մասնակցության ամենամեծ տոկոսը, ժամը 14-ի դրությամբ, գրանցվել է Մաքենիսում, ամենացածր տոկոսը՝ Ներքին Գետաշենում: Համայնքի ղեկավարի պաշտոններում երկուական թեկնածուներ մրցակցում են Ներքին Գետաշենում, Դդմաշենում եւ Մաքենիսում, չորսական թեկնածուներ՝ Վերին Գետաշենում եւ Սարուխանում, հինգ թեկնածու՝ Երանոսում:
Հետևեք մեզ Viber-ում
