4 կուսակցություն կամ դաշինք.ներկայացվեց փոփոխված ԸՕ-ն

ԱԺ պետական-իրավական և մարդու իրավունքների պաշտպանության հարցերի մշտական հանձնաժողովի նիստում Արդարադատության նախարարի պաշտոնակատար Արտակ Զեյնալյանը՝ ներկայացնելով փոփոխված Ընտրական օրենսգրքի նախագիծը հայտարարեց ,որ Ընտրական օրենսդրության կարևորագույն նպատակը Հայաստանում ժողովորդավարական ինստիտուտների կայացումն է: Առաջարկում են երեք կուսակցությունների կամ դաշինքների փոխարեն թույլատրել Ազգային ժողով ներկայացվել 4 կուսակցություններ կամ դաշինքներ և մանդատների բաշխումն իրականացնել նրանց միջև։ Ընդ որում, 4-րդ քաղաքական ուժը խորհրդարան կհայտնվի ընտրություններում 2 տոկոս ընտրական շեմը հաղթահարելու պայմանով։ Դա «Ծառուկյան» դաշինքի առաջարկությունն էր, որը ընդունվել է կառավարության կողմից,ասաց Զեյնայանը; ԱԺ պետա-իրավական և մարդու իրավունքների պաշտպանության հարցերի մշտական հանձնաժողովի անդամ, «Ծառուկյան» խմբակցության պատգամավոր Գևորգ Պետրոսյանըհետաքրքրվեց, թե նվազագույն թվով՝ 4 կուսակցություն չի մասնակցում ընտրություններին, ապա արդյոք դրանք չեն կայանալու։ Զեյնալյանն ասաց, որ դրա լուծումը կոնկրետ Ընտրական օրենսգրքով տրված չէ, բայց կա այլ լուծում՝ նորից է հայտարարվում կուսակցությունների կամ դաշինքների գրանցում։ «Հիմա մենք կարող ենք քննարկել ու տալ լուծում, թե ինչ է տեղի ունենում, երբ վերջնաարդյունքում գրանցվում է 3 կուսակցություն կամ դաշինք», - նկատեց Զեյնալյանը։ Ինչ վերաբերում է խորհդարանական մեծամասնությանը, ապա, ըստ Զեյնալյանի, բոնուսային համակարգը գործելու է, խորհդրարանում լինելու է կայուն խորհրդարանական մեծամասնություն։ «Կայուն խորհրդարանական մեծամասնություն անպայման պետք է լինի Ազգային ժողովում, և քաղաքական փոքրամասնությունը չի կարող փոքր լինել, քան 1/3-րդը։ Դա մնացել է անփոփոխ», -նշեց Զեյնալյանը։ Նոր փոփոխություններով առաջարկվում է կանանց ներկայացվածության քվոտայի բարձրացում՝ գործող 25 տոկոսի փոխարեն դարձնելով 30 տոկոս։ Նախարարի պաշտոնակատարի ներկայացմամբ, առաջարկվում է մեխանիզմ դատարանի կողմից անգործունակ ճանաչված անձանց ընտրական ցուցակից հանելու համար, իսկ ընտրողների իրազեկվածության բարձրացումն էլ իրականացվելու է Հանրային հեռուստաընկերությամբ բանավեճերի միջոցով։ Օրենքով նաև Հանրային հեռուստաընկերությունը պարտավորվելու է բանավեճի հրավիրել կուսակցությունների կամ դաշինքների համամասնական ցուցակը գլխավորող թեկնածուներին։ «Կառավարությունը պատրաստ է քննարկել բացը, որպեսզի այս Ընտրական օրենսգիրքը լինի կատարյալ, անթերի», -  հայտարարեց Զեյնալյանը՝ ընդգծելով, որ պատրաստ են ընդունել դիտողություններ ու առաջարկություններ։